วรรคที่ ๒

๑๔๗เอตทคฺคํ ภิกฺขเว มม สาวกานํ ภิกฺขูนํ มโนมยํ กายํ อภินิมฺมินนฺตานํ ยทิทํ จุลฺลปนฺถโก ฯ เจโตวิวฏฺฏกุสลานํ ยทิทํ จุลฺลปนฺถโก ฯ ปญฺญาวิวฏฺฏกุสลานํ ยทิทํ มหาปนฺถโก ฯ อรณวิหารีนํ ยทิทํ สุภูติ ฯ ทกฺขิเณยฺยานํ ยทิทํ สุภูติ ฯ อารญฺญกานํ ยทิทํ เรวโต ขทิรวนิโย ฯ ฌายีนํ ยทิทํ กงฺขาเรวโต ฯ อารทฺธวิริยานํ ยทิทํ โสโณ โกลิวิโส ฯ กลฺยาณวากฺกรณานํ ยทิทํ โสโณ กุฏิกณฺโณ ฯ ลาภีนํ ยทิทํ สีวลี ฯ สทฺธาธิมุตฺตานํ ยทิทํ วกฺกลีติ ฯ วคฺโค ทุติโย ฯ