๒. นาคเกสริยเถราปทาน (๒๔๒)

๒๔๔|๒๔๔.๔| ธนุํ อเวชฺฌํ กตฺวาน วนมชฺโฌคหึ อหํ เกสรํ โอสรํ ทิสฺวา ปพฺพมคฺคํ สมุฏฺฐิตํ ฯ |๒๔๔.๕| อุโภหตฺเถหิ ปคฺคยฺห สิเร กตฺวาน อญฺชลึ พุทฺธสฺส อภิโรเปสึ ติสฺสสฺส โลกพนฺธุโน ฯ |๒๔๔.๖| เทฺวนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๒๔๔.๗| สตฺตสตฺตติเม กปฺเป สโมกฺขรณนามโก สตฺตรตนสมฺปนฺโน จกฺกวตฺติ มหพฺพโล ฯ |๒๔๔.๘| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นาคเกสริโย เถโร อิมา คาถาโย อภาสิตฺถาติ ฯ นาคเกสริยตฺเถรสฺส อปทานํ สมตฺตํ ฯ