๕. ทัณฑทายกเถราปทาน (๓๕๕)

๓๕๗|๓๕๗.๑๘| กานนํ วนโมคฺคยฺห เวฬุํ เฉตฺวานหนฺตทา อาลมฺพนํ คเหตฺวาน สงฺฆสฺส อททํ อหํ ฯ |๓๕๗.๑๙| เตน จิตฺตปฺปสาเทน สุพฺพเต อภิวาทิย อาลมฺพนมฺปิ ทตฺวาน ปกฺกามิ อุตฺตรามุโข ฯ |๓๕๗.๒๐| จตุนวุเต อิโต กปฺเป ยํ ทณฺฑมททินฺตทา ทุคฺคตึ นาภิชานามิ ทณฺฑทานสฺสิทํ ผลํ ฯ |๓๕๗.๒๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ทณฺฑทายโก เถโร อิมา คาถาโย อภาสิตฺถาติ ฯ ทณฺฑทายกตฺเถรสฺส อปทานํ สมตฺตํ ฯ