๗. ปุฏกปูชกเถราปทาน (๓๕๗)

๓๕๙|๓๕๙.๒๖| ทิวาวิหารา นิกฺขนฺโต วิปสฺสี โลกนายโก ภิกฺขาย วิจรนฺโต โส มม สนฺติกมุปาคมิ ฯ |๓๕๙.๒๗| ตโต ปีติโต สุมโน พุทฺธเสฏฺฐสฺส ตาทิโน โลณสุปุฏกํ ทตฺวา กปฺปํ สคฺคมฺหิ โมทหํ ฯ |๓๕๙.๒๘| เอกนวุเต อิโต กปฺเป ยํ ปุฏกมทาสหํ ทุคฺคตึ นาภิชานามิ ปุฏกสฺส อิทํ ผลํ ฯ |๓๕๙.๒๙| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุฏกปูชโก เถโร อิมา คาถาโย อภาสิตฺถาติ ฯ ปุฏกปูชกตฺเถรสฺส อปทานํ สมตฺตํ ฯ