๘. วัจฉทายกเถราปทาน (๓๕๘)

๓๖๐|๓๖๐.๓๐| วิปสฺสิโน ภควโต โลกเชฏฺฐสฺส ตาทิโน เอกวจฺโฉ มยา ทินฺโน ปสนฺเนน สปาณินา ฯ |๓๖๐.๓๑| หตฺถิยานํ อสฺสยานํ ทิพฺพยานํ สมชฺฌคํ เตน วจฺฉกทาเนน ปตฺโตมฺหิ อาสวกฺขยํ ฯ |๓๖๐.๓๒| เอกนวุเต อิโต กปฺเป ยํ วจฺฉมททึ ตทา ทุคฺคตึ นาภิชานามิ วจฺฉทานสฺสิทํ ผลํ ฯ |๓๖๐.๓๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา วจฺฉทายโก เถโร อิมา คาถาโย อภาสิตฺถาติ ฯ วจฺฉทายกตฺเถรสฺส อปทานํ สมตฺตํ ฯ