๙. โพธิสิญจกเถราปทาน (๘๙)

๙๑|๙๑.๔๖| วิปสฺสิสฺส ภควโต มหาโพธิมโห อหุ ปพฺพชฺชูปคโต สนฺโต อุปคญฺฉิมหํ ตทา ฯ |๙๑.๔๗| กุสุมฺโภทกมาทาย โพธิยา โอกิรึ อหํ โมจยิสฺสติ โน มุตฺโต นิพฺพาเปสฺสติ นิพฺพุโต ฯ |๙๑.๔๘| เอกนวุเต อิโต กปฺเป ยํ โพธึ อภิสิญฺจหํ ทุคฺคตึ นาภิชานามิ โพธิสิญฺจสฺสิทํ ผลํ ฯ |๙๑.๔๙| เตตฺตึเส วตฺตมานมฺหิ กปฺเป อาสุํ ชนาธิปา อุทกาเสจนา นาม อฏฺเฐเต จกฺกวตฺติโน ฯ |๙๑.๕๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โพธิสิญฺจโก เถโร อิมา คาถาโย อภาสิตฺถาติ ฯ โพธิสิญฺจกตฺเถรสฺส อปทานํ สมตฺตํ ฯ