AN 1.21–30

Akammaniyavagga

Useless

ไทย · ยังไม่เปิดใช้
  1. 0.1

    Aṅguttara Nikāya 1

    Numbered Discourses 1.21–30

  2. 3. Akammaniyavagga

    The Chapter on the Unworkable

  3. 21

    21

  4. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ akammaniyaṁ hoti yathayidaṁ, bhikkhave, cittaṁ.

    “Mendicants, I do not see a single thing that is so unworkable as this mind that is not developed.

  5. 1.2

    Cittaṁ, bhikkhave, abhāvitaṁ akammaniyaṁ hotī”ti.

    An undeveloped mind is unworkable.”

  6. 1.3

    Paṭhamaṁ.

  7. 22

    22

  8. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ kammaniyaṁ hoti yathayidaṁ, bhikkhave, cittaṁ.

    “Mendicants, I do not see a single thing that is so workable as this mind that is developed

  9. 1.2

    Cittaṁ, bhikkhave, bhāvitaṁ kammaniyaṁ hotī”ti.

    A developed mind is workable.”

  10. 1.3

    Dutiyaṁ.

  11. 23

    23

  12. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ mahato anatthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very harmful as this mind that is not developed.

  13. 1.2

    Cittaṁ, bhikkhave, abhāvitaṁ mahato anatthāya saṁvattatī”ti.

    An undeveloped mind is very harmful.”

  14. 1.3

    Tatiyaṁ.

  15. 24

    24

  16. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ mahato atthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very beneficial as this mind that is developed.

  17. 1.2

    Cittaṁ, bhikkhave, bhāvitaṁ mahato atthāya saṁvattatī”ti.

    A developed mind is very beneficial.”

  18. 1.3

    Catutthaṁ.

  19. 25

    25

  20. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ apātubhūtaṁ mahato anatthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very harmful as this mind that is not developed or manifested.

  21. 1.2

    Cittaṁ, bhikkhave, abhāvitaṁ apātubhūtaṁ mahato anatthāya saṁvattatī”ti.

    An undeveloped and unmanifested mind is very harmful.”

  22. 1.3

    Pañcamaṁ.

  23. 26

    26

  24. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ pātubhūtaṁ mahato atthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very beneficial as this mind that is developed and manifested.

  25. 1.2

    Cittaṁ, bhikkhave, bhāvitaṁ pātubhūtaṁ mahato atthāya saṁvattatī”ti.

    A developed and manifested mind is very beneficial.”

  26. 1.3

    Chaṭṭhaṁ.

  27. 27

    27

  28. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ mahato anatthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very harmful as this mind that is not developed and cultivated.

  29. 1.2

    Cittaṁ, bhikkhave, abhāvitaṁ abahulīkataṁ mahato anatthāya saṁvattatī”ti.

    An undeveloped and uncultivated mind is very harmful.”

  30. 1.3

    Sattamaṁ.

  31. 28

    28

  32. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ mahato atthāya saṁvattati yathayidaṁ, bhikkhave, cittaṁ.

    “Mendicants, I do not see a single thing that is so very beneficial as this mind that is developed and cultivated.

  33. 1.2

    Cittaṁ, bhikkhave, bhāvitaṁ bahulīkataṁ mahato atthāya saṁvattatī”ti.

    A developed and cultivated mind is very beneficial.”

  34. 1.3

    Aṭṭhamaṁ.

  35. 29

    29

  36. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ abhāvitaṁ abahulīkataṁ dukkhādhivahaṁ hoti yathayidaṁ, bhikkhave, cittaṁ.

    “Mendicants, I do not see a single thing that brings such suffering as this mind that is not developed and cultivated.

  37. 1.2

    Cittaṁ, bhikkhave, abhāvitaṁ abahulīkataṁ dukkhādhivahaṁ hotī”ti.

    An undeveloped and uncultivated mind brings suffering.”

  38. 1.3

    Navamaṁ.

  39. 30

    30

  40. 1.1

    “Nāhaṁ, bhikkhave, aññaṁ ekadhammampi samanupassāmi yaṁ evaṁ bhāvitaṁ bahulīkataṁ sukhādhivahaṁ hoti yathayidaṁ, bhikkhave, cittaṁ.

    “Mendicants, I do not see a single thing that brings such happiness as this mind that is developed and cultivated.

  41. 1.2

    Cittaṁ, bhikkhave, bhāvitaṁ bahulīkataṁ sukhādhivahaṁ hotī”ti.

    A developed and cultivated mind brings happiness.”

  42. 1.3

    Dasamaṁ.

  43. 1.4

    Akammaniyavaggo tatiyo.

แหล่งที่มา
SuttaCentral · ดึงข้อมูลเมื่อ 2026-08-15 · an1.21-30
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ