Dutiyaavaṇṇārahasutta
Reasons a resident mendicant is cast down to hell or raised to heaven.
- 0.1
Aṅguttara Nikāya 5.237
Numbered Discourses 5.237
- 0.2
24. Āvāsikavagga
24. A Resident Mendicant
Dutiyaavaṇṇārahasutta
Deserving Criticism (2nd)
- 1.1
“Pañcahi, bhikkhave, dhammehi samannāgato āvāsiko bhikkhu yathābhataṁ nikkhitto evaṁ niraye.
“Mendicants, a resident mendicant with five qualities is placed in hell as if delivered there.
- 1.2
Katamehi pañcahi?
What five?
- 1.3
Ananuvicca apariyogāhetvā avaṇṇārahassa vaṇṇaṁ bhāsati;
Without examining or scrutinizing, they praise those deserving of criticism,
- 1.4
ananuvicca apariyogāhetvā vaṇṇārahassa avaṇṇaṁ bhāsati;
and they criticize those deserving of praise.
- 1.5
āvāsamaccharī hoti āvāsapaligedhī;
They’re stingy and avaricious regarding monasteries.
- 1.6
kulamaccharī hoti kulapaligedhī;
They’re stingy and avaricious regarding families.
- 1.7
saddhādeyyaṁ vinipāteti.
And they waste a gift given in faith.
- 1.8
Imehi kho, bhikkhave, pañcahi dhammehi samannāgato āvāsiko bhikkhu yathābhataṁ nikkhitto evaṁ niraye.
A resident mendicant with these five qualities is placed in hell as if delivered there.
- 2.1
Pañcahi, bhikkhave, dhammehi samannāgato āvāsiko bhikkhu yathābhataṁ nikkhitto evaṁ sagge.
A resident mendicant with five qualities is placed in heaven as if delivered there.
- 2.2
Katamehi pañcahi?
What five?
- 2.3
Anuvicca pariyogāhetvā avaṇṇārahassa avaṇṇaṁ bhāsati;
After examining and scrutinizing, they criticize those deserving of criticism,
- 2.4
anuvicca pariyogāhetvā vaṇṇārahassa vaṇṇaṁ bhāsati;
and they praise those deserving of praise.
- 2.5
na āvāsamaccharī hoti na āvāsapaligedhī;
They’re not stingy and avaricious regarding monasteries.
- 2.6
na kulamaccharī hoti na kulapaligedhī;
They’re not stingy and avaricious regarding families.
- 2.7
saddhādeyyaṁ na vinipāteti.
And they don’t waste a gift given in faith.
- 2.8
Imehi kho, bhikkhave, pañcahi dhammehi samannāgato āvāsiko bhikkhu yathābhataṁ nikkhitto evaṁ sagge”ti.
A resident mendicant with these five qualities is placed in heaven as if delivered there.”
- 2.9
Sattamaṁ.
- แหล่งที่มา
- SuttaCentral · ดึงข้อมูลเมื่อ 2026-08-15 ·
an5.237 - ฉบับที่ใช้
- Mahāsaṅgīti Tipiṭaka Buddhavasse 2500 — PDM-1.0
- English translation — Bhikkhu Sujato — CC0-1.0
- สิทธิ์การใช้งาน
- สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ
- ฉบับที่ยังไม่เปิดใช้
- พระไตรปิฎกภาษาไทย ฉบับหลวง — ยังไม่ยืนยันสิทธิ์ — ยังไม่เผยแพร่ตัวบท