Anutappiyasutta
A mendicant who lives well and doesn’t waste time dies without regret.
- 0.1
Aṅguttara Nikāya 6.15
Numbered Discourses 6.15
- 0.2
2. Sāraṇīyavagga
2. Warm-hearted
Anutappiyasutta
Regret
- 1.1
Tatra kho āyasmā sāriputto bhikkhū āmantesi:
There Sāriputta addressed the mendicants:
- 1.2
“tathā tathāvuso, bhikkhu vihāraṁ kappeti yathā yathāssa vihāraṁ kappayato kālakiriyā anutappā hoti.
“As a mendicant makes their bed, so they must lie in it, and die tormented by regrets.
- 1.3
Kathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā anutappā hoti?
And how do they die tormented by regrets?
- 2.1
Idhāvuso, bhikkhu kammārāmo hoti kammarato kammārāmataṁ anuyutto, bhassārāmo hoti …
Take a mendicant who relishes work, talk, sleep, company, closeness, and proliferation. They love these things and like to relish them.
- 2.2
niddārāmo hoti …
- 2.3
saṅgaṇikārāmo hoti …
- 2.4
saṁsaggārāmo hoti …
- 2.5
papañcārāmo hoti papañcarato papañcārāmataṁ anuyutto.
- 2.6
Evaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā anutappā hoti.
A mendicant who makes their bed like this must lie in it, and die tormented by regrets.
- 2.7
Ayaṁ vuccatāvuso:
This is called
- 2.8
‘bhikkhu sakkāyābhirato nappajahāsi sakkāyaṁ sammā dukkhassa antakiriyāya’.
a mendicant who enjoys substantial reality, who hasn’t given up substantial reality to rightly make an end of suffering.
- 3.1
Tathā tathāvuso, bhikkhu vihāraṁ kappeti yathā yathāssa vihāraṁ kappayato kālakiriyā ananutappā hoti.
As a mendicant makes their bed, so they must lie in it, and die free of regrets.
- 3.2
Kathañcāvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā ananutappā hoti?
And how do they die free of regrets?
- 4.1
Idhāvuso, bhikkhu na kammārāmo hoti na kammarato na kammārāmataṁ anuyutto, na bhassārāmo hoti …
Take a mendicant who doesn’t relish work, talk, sleep, company, closeness, and proliferation. They don’t love these things or like to relish them.
- 4.2
na niddārāmo hoti …
- 4.3
na saṅgaṇikārāmo hoti …
- 4.4
na saṁsaggārāmo hoti …
- 4.5
na papañcārāmo hoti na papañcarato na papañcārāmataṁ anuyutto.
- 4.6
Evaṁ kho, āvuso, bhikkhu tathā tathā vihāraṁ kappeti yathā yathāssa vihāraṁ kappayato kālakiriyā ananutappā hoti.
A mendicant who makes their bed like this must lie in it, and die free of regrets.
- 4.7
Ayaṁ vuccatāvuso:
This is called
- 4.8
‘bhikkhu nibbānābhirato pajahāsi sakkāyaṁ sammā dukkhassa antakiriyāyā’ti.
a mendicant who delights in extinguishment, who has given up substantial reality to rightly make an end of suffering.
- 5.1
Yo papañcamanuyutto,
A beast who likes to proliferate,
- 5.2
papañcābhirato mago;
enjoying proliferation,
- 5.3
Virādhayī so nibbānaṁ,
fails to win extinguishment,
- 5.4
yogakkhemaṁ anuttaraṁ.
the supreme sanctuary from the yoke.
- 6.1
Yo ca papañcaṁ hitvāna,
But one who gives up proliferation,
- 6.2
nippapañcapade rato;
enjoying the state of non-proliferation,
- 6.3
Ārādhayī so nibbānaṁ,
wins extinguishment,
- 6.4
yogakkhemaṁ anuttaran”ti.
the supreme sanctuary from the yoke.”
- 6.5
Pañcamaṁ.
- แหล่งที่มา
- SuttaCentral · ดึงข้อมูลเมื่อ 2026-08-15 ·
an6.15 - ฉบับที่ใช้
- Mahāsaṅgīti Tipiṭaka Buddhavasse 2500 — PDM-1.0
- English translation — Bhikkhu Sujato — CC0-1.0
- สิทธิ์การใช้งาน
- สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ