Dt 2.6

Chaṭṭhanaya Sampayogavippayogapadaniddesa

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    Dhātukathā

  2. 0.2

    2 Niddesa

  3. 2.6. Chaṭṭhanaya Sampayogavippayogapadaniddesa

  4. 2.6.1. Khandha

  5. 1.1

    Rūpakkhandho katihi khandhehi katihāyatanehi katihi dhātūhi sampayuttoti?

  6. 1.2

    Natthi.

  7. 1.3

    Katihi vippayutto?

  8. 1.4

    Catūhi khandhehi ekenāyatanena sattahi dhātūhi vippayutto;

  9. 1.5

    ekenāyatanena ekāya dhātuyā kehici vippayutto.

  10. 2.1

    Vedanākkhandho … saññākkhandho … saṅkhārakkhandho tīhi khandhehi ekenāyatanena sattahi dhātūhi sampayutto;

  11. 2.2

    ekenāyatanena ekāya dhātuyā kehici sampayutto.

  12. 2.3

    Katihi vippayutto?

  13. 2.4

    Ekena khandhena dasahāyatanehi dasahi dhātūhi vippayutto;

  14. 2.5

    ekenāyatanena ekāya dhātuyā kehici vippayutto.

  15. 3.1

    Viññāṇakkhandho tīhi khandhehi sampayutto;

  16. 3.2

    ekenāyatanena ekāya dhātuyā kehici sampayutto.

  17. 3.3

    Katihi vippayutto?

  18. 3.4

    Ekena khandhena dasahāyatanehi dasahi dhātūhi vippayutto;

  19. 3.5

    ekenāyatanena ekāya dhātuyā kehici vippayutto.

  20. 2.6.2. Āyatana

  21. 4.1

    Cakkhāyatanaṁ …pe… phoṭṭhabbāyatanaṁ …pe… sampayuttanti?

  22. 4.2

    Natthi.

  23. 4.3

    Katihi vippayuttaṁ?

  24. 4.4

    Catūhi khandhehi ekenāyatanena sattahi dhātūhi vippayuttaṁ;

  25. 4.5

    ekenāyatanena ekāya dhātuyā kehici vippayuttaṁ.

  26. 5.1

    Manāyatanaṁ tīhi khandhehi sampayuttaṁ;

  27. 5.2

    ekenāyatanena ekāya dhātuyā kehici sampayuttaṁ.

  28. 5.3

    Katihi vippayuttaṁ?

  29. 5.4

    Ekena khandhena dasahāyatanehi dasahi dhātūhi vippayuttaṁ;

  30. 5.5

    ekenāyatanena ekāya dhātuyā kehici vippayuttaṁ.

  31. 2.6.3. Dhātu

  32. 6.1

    Cakkhudhātu …pe… phoṭṭhabbadhātu …pe… sampayuttāti?

  33. 6.2

    Natthi.

  34. 6.3

    Katihi vippayuttā?

  35. 6.4

    Catūhi khandhehi ekenāyatanena sattahi dhātūhi vippayuttā;

  36. 6.5

    ekenāyatanena ekāya dhātuyā kehici vippayuttā.

  37. 7.1

    Cakkhuviññāṇadhātu …pe… manodhātu … manoviññāṇadhātu tīhi khandhehi sampayuttā;

  38. 7.2

    ekenāyatanena ekāya dhātuyā kehici sampayuttā.

  39. 7.3

    Katihi vippayuttā?

  40. 7.4

    Ekena khandhena dasahāyatanehi soḷasahi dhātūhi vippayuttā;

  41. 7.5

    ekenāyatanena ekāya dhātuyā kehici vippayuttā.

  42. 2.6.4. Saccādi

  43. 8.1

    Samudayasaccaṁ … maggasaccaṁ tīhi khandhehi ekenāyatanena ekāya dhātuyā sampayuttaṁ;

  44. 8.2

    ekena khandhena ekenāyatanena ekāya dhātuyā kehici sampayuttaṁ.

  45. 8.3

    Katihi vippayuttaṁ?

  46. 8.4

    Ekena khandhena dasahāyatanehi soḷasahi dhātūhi vippayuttaṁ;

  47. 8.5

    ekenāyatanena ekāya dhātuyā kehici vippayuttaṁ.

  48. 9.1

    Nirodhasaccaṁ … cakkhundriyaṁ …pe… kāyindriyaṁ … itthindriyaṁ … purisindriyaṁ …pe… sampayuttanti?

  49. 9.2

    Natthi.

  50. 9.3

    Katihi vippayuttaṁ?

  51. 9.4

    Catūhi khandhehi ekenāyatanena sattahi dhātūhi vippayuttaṁ;

  52. 9.5

    ekenāyatanena ekāya dhātuyā kehici vippayuttaṁ.

  53. 10.1

    Manindriyaṁ tīhi khandhehi sampayuttaṁ;

  54. 10.2

    ekenāyatanena ekāya dhātuyā kehici sampayuttaṁ.

  55. 10.3

    Katihi vippayuttaṁ?

  56. 10.4

    Ekena khandhena dasahāyatanehi dasahi dhātūhi vippayuttaṁ;

  57. 10.5

    ekenāyatanena ekāya dhātuyā kehici vippayuttaṁ.

  58. 11.1

    Sukhindriyaṁ … dukkhindriyaṁ … somanassindriyaṁ … domanassindriyaṁ tīhi khandhehi ekenāyatanena ekāya dhātuyā sampayuttaṁ;

  59. 11.2

    ekenāyatanena ekāya dhātuyā kehici sampayuttaṁ.

  60. 11.3

    Katihi vippayuttaṁ?

  61. 11.4

    Ekena khandhena dasahāyatanehi soḷasahi dhātūhi vippayuttaṁ;

  62. 11.5

    ekenāyatanena ekāya dhātuyā kehici vippayuttaṁ.

  63. 12.1

    Upekkhindriyaṁ tīhi khandhehi ekenāyatanena chahi dhātūhi sampayuttaṁ;

  64. 12.2

    ekenāyatanena ekāya dhātuyā kehici sampayuttaṁ.

  65. 12.3

    Katihi vippayuttaṁ?

  66. 12.4

    Ekena khandhena dasahāyatanehi ekādasahi dhātūhi vippayuttaṁ;

  67. 12.5

    ekenāyatanena ekāya dhātuyā kehici vippayuttaṁ.

  68. 13.1

    Saddhindriyaṁ … vīriyindriyaṁ … satindriyaṁ … samādhindriyaṁ … paññindriyaṁ … anaññātaññassāmītindriyaṁ … aññindriyaṁ … aññātāvindriyaṁ … avijjā … avijjāpaccayā saṅkhārā tīhi khandhehi ekenāyatanena ekāya dhātuyā sampayuttā;

  69. 13.2

    ekena khandhena ekenāyatanena ekāya dhātuyā kehici sampayuttā.

  70. 13.3

    Katihi vippayuttā?

  71. 13.4

    Ekena khandhena dasahāyatanehi soḷasahi dhātūhi vippayuttā;

  72. 13.5

    ekenāyatanena ekāya dhātuyā kehici vippayuttā.

  73. 14.1

    Saṅkhārapaccayā viññāṇaṁ tīhi khandhehi sampayuttaṁ;

  74. 14.2

    ekenāyatanena ekāya dhātuyā kehici sampayuttaṁ.

  75. 14.3

    Katihi vippayuttaṁ?

  76. 14.4

    Ekena khandhena dasahāyatanehi dasahi dhātūhi vippayuttaṁ;

  77. 14.5

    ekenāyatanena ekāya dhātuyā kehici vippayuttaṁ.

  78. 15.1

    Saḷāyatanapaccayā phasso tīhi khandhehi ekenāyatanena sattahi dhātūhi sampayutto;

  79. 15.2

    ekena khandhena ekenāyatanena ekāya dhātuyā kehici sampayutto.

  80. 15.3

    Katihi vippayutto?

  81. 15.4

    Ekena khandhena dasahāyatanehi dasahi dhātūhi vippayutto;

  82. 15.5

    ekenāyatanena ekāya dhātuyā kehici vippayutto.

  83. 16.1

    Phassapaccayā vedanā tīhi khandhehi ekenāyatanena sattahi dhātūhi sampayuttā;

  84. 16.2

    ekenāyatanena ekāya dhātuyā kehici sampayuttā.

  85. 16.3

    Katihi vippayuttā?

  86. 16.4

    Ekena khandhena dasahāyatanehi dasahi dhātūhi vippayuttā;

  87. 16.5

    ekenāyatanena ekāya dhātuyā kehici vippayuttā.

  88. 17.1

    Vedanāpaccayā taṇhā … taṇhāpaccayā upādānaṁ … kammabhavo tīhi khandhehi ekenāyatanena ekāya dhātuyā sampayutto;

  89. 17.2

    ekena khandhena ekenāyatanena ekāya dhātuyā kehici sampayutto.

  90. 17.3

    Katihi vippayutto?

  91. 17.4

    Ekena khandhena dasahāyatanehi soḷasahi dhātūhi vippayutto;

  92. 17.5

    ekenāyatanena ekāya dhātuyā kehici vippayutto.

  93. 18.1

    Rūpabhavo …pe… sampayuttoti?

  94. 18.2

    Natthi.

  95. 18.3

    Katihi vippayutto?

  96. 18.4

    Na kehici khandhehi na kehici āyatanehi tīhi dhātūhi vippayutto.

  97. 19.1

    Arūpabhavo … nevasaññānāsaññābhavo … catuvokārabhavo …pe… sampayuttoti?

  98. 19.2

    Natthi.

  99. 19.3

    Katihi vippayutto?

  100. 19.4

    Ekena khandhena dasahāyatanehi soḷasahi dhātūhi vippayutto;

  101. 19.5

    ekenāyatanena ekāya dhātuyā kehici vippayutto.

  102. 20.1

    Asaññābhavo … ekavokārabhavo … paridevo …pe… sampayuttoti?

  103. 20.2

    Natthi.

  104. 20.3

    Katihi vippayutto?

  105. 20.4

    Catūhi khandhehi ekenāyatanena sattahi dhātūhi vippayutto;

  106. 20.5

    ekenāyatanena ekāya dhātuyā kehici vippayutto.

  107. 21.1

    Soko … dukkhaṁ … domanassaṁ tīhi khandhehi ekenāyatanena ekāya dhātuyā sampayuttaṁ;

  108. 21.2

    ekenāyatanena ekāya dhātuyā kehici sampayuttaṁ.

  109. 21.3

    Katihi vippayuttaṁ?

  110. 21.4

    Ekena khandhena dasahāyatanehi soḷasahi dhātūhi vippayuttaṁ;

  111. 21.5

    ekenāyatanena ekāya dhātuyā kehici vippayuttaṁ.

  112. 22.1

    Upāyāso … satipaṭṭhānaṁ … sammappadhānaṁ tīhi khandhehi ekenāyatanena ekāya dhātuyā sampayuttaṁ;

  113. 22.2

    ekena khandhena ekenāyatanena ekāya dhātuyā kehici sampayuttaṁ.

  114. 22.3

    Katihi vippayuttaṁ?

  115. 22.4

    Ekena khandhena dasahāyatanehi soḷasahi dhātūhi vippayuttaṁ;

  116. 22.5

    ekenāyatanena ekāya dhātuyā kehici vippayuttaṁ.

  117. 23.1

    Iddhipādo dvīhi khandhehi sampayutto;

  118. 23.2

    ekena khandhena ekenāyatanena ekāya dhātuyā kehici sampayutto.

  119. 23.3

    Katihi vippayutto?

  120. 23.4

    Ekena khandhena dasahāyatanehi soḷasahi dhātūhi vippayutto;

  121. 23.5

    ekenāyatanena ekāya dhātuyā kehici vippayutto.

  122. 24.1

    Jhānaṁ dvīhi khandhehi ekenāyatanena ekāya dhātuyā sampayuttaṁ;

  123. 24.2

    ekena khandhena ekenāyatanena ekāya dhātuyā kehici sampayuttaṁ.

  124. 24.3

    Katihi vippayuttaṁ?

  125. 24.4

    Ekena khandhena dasahāyatanehi soḷasahi dhātūhi vippayuttaṁ;

  126. 24.5

    ekenāyatanena ekāya dhātuyā kehici vippayuttaṁ.

  127. 25.1

    Appamaññā … pañcindriyāni … pañca balāni … satta bojjhaṅgā … ariyo aṭṭhaṅgiko maggo tīhi khandhehi ekenāyatanena ekāya dhātuyā sampayutto;

  128. 25.2

    ekena khandhena ekenāyatanena ekāya dhātuyā kehici sampayutto.

  129. 25.3

    Katihi vippayutto?

  130. 25.4

    Ekena khandhena dasahāyatanehi soḷasahi dhātūhi vippayutto;

  131. 25.5

    ekenāyatanena ekāya dhātuyā kehici vippayutto.

  132. 26.1

    Phasso … cetanā … manasikāro tīhi khandhehi ekenāyatanena sattahi dhātūhi sampayutto;

  133. 26.2

    ekena khandhena ekenāyatanena ekāya dhātuyā kehici sampayutto.

  134. 26.3

    Katihi vippayutto?

  135. 26.4

    Ekena khandhena dasahāyatanehi dasahi dhātūhi vippayutto;

  136. 26.5

    ekenāyatanena ekāya dhātuyā kehici vippayutto.

  137. 27.1

    Vedanā … saññā tīhi khandhehi ekenāyatanena sattahi dhātūhi sampayuttā;

  138. 27.2

    ekenāyatanena ekāya dhātuyā kehici sampayuttā.

  139. 27.3

    Katihi vippayuttā?

  140. 27.4

    Ekena khandhena dasahāyatanehi dasahi dhātūhi vippayuttā;

  141. 27.5

    ekenāyatanena ekāya dhātuyā kehici vippayuttā.

  142. 28.1

    Cittaṁ tīhi khandhehi sampayuttaṁ;

  143. 28.2

    ekenāyatanena ekāya dhātuyā kehici sampayuttaṁ.

  144. 28.3

    Katihi vippayuttaṁ?

  145. 28.4

    Ekena khandhena dasahāyatanehi dasahi dhātūhi vippayuttaṁ;

  146. 28.5

    ekenāyatanena ekāya dhātuyā kehici vippayuttaṁ.

  147. 29.1

    Adhimokkho tīhi khandhehi ekenāyatanena dvīhi dhātūhi sampayutto;

  148. 29.2

    ekena khandhena ekenāyatanena ekāya dhātuyā kehici sampayutto.

  149. 29.3

    Katihi vippayutto?

  150. 29.4

    Ekena khandhena dasahāyatanehi pannarasahi dhātūhi vippayutto;

  151. 29.5

    ekenāyatanena ekāya dhātuyā kehici vippayutto.

  152. 2.6.5. Tika

  153. 30.1

    Kusalā dhammā … akusalā dhammā katihi khandhehi katihāyatanehi katihi dhātūhi sampayuttāti?

  154. 30.2

    Natthi.

  155. 30.3

    Katihi vippayuttā?

  156. 30.4

    Ekena khandhena dasahāyatanehi soḷasahi dhātūhi vippayuttā;

  157. 30.5

    ekenāyatanena ekāya dhātuyā kehici vippayuttā.

  158. 31.1

    Sukhāya vedanāya sampayuttā dhammā … dukkhāya vedanāya sampayuttā dhammā ekena khandhena sampayuttā;

  159. 31.2

    ekenāyatanena ekāya dhātuyā kehici sampayuttā.

  160. 31.3

    Katihi vippayuttā?

  161. 31.4

    Ekena khandhena dasahāyatanehi pannarasahi dhātūhi vippayuttā;

  162. 31.5

    ekenāyatanena ekāya dhātuyā kehici vippayuttā.

  163. 32.1

    Adukkhamasukhāya vedanāya sampayuttā dhammā ekena khandhena sampayuttā;

  164. 32.2

    ekenāyatanena ekāya dhātuyā kehici sampayuttā.

  165. 32.3

    Katihi vippayuttā?

  166. 32.4

    Ekena khandhena dasahāyatanehi ekādasahi dhātūhi vippayuttā;

  167. 32.5

    ekenāyatanena ekāya dhātuyā kehici vippayuttā.

  168. 33.1

    Vipākā dhammā …pe… sampayuttāti?

  169. 33.2

    Natthi.

  170. 33.3

    Katihi vippayuttā?

  171. 33.4

    Ekena khandhena dasahāyatanehi dasahi dhātūhi vippayuttā;

  172. 33.5

    ekenāyatanena ekāya dhātuyā kehici vippayuttā.

  173. 34.1

    Vipākadhammadhammā … saṅkiliṭṭhasaṅkilesikā dhammā …pe… sampayuttāti?

  174. 34.2

    Natthi.

  175. 34.3

    Katihi vippayuttā?

  176. 34.4

    Ekena khandhena dasahāyatanehi soḷasahi dhātūhi vippayuttā;

  177. 34.5

    ekenāyatanena ekāya dhātuyā kehici vippayuttā.

  178. 35.1

    Nevavipākanavipākadhammadhammā … anupādinnupādāniyā dhammā …pe… sampayuttāti?

  179. 35.2

    Natthi.

  180. 35.3

    Katihi vippayuttā?

  181. 35.4

    Na kehici khandhehi na kehici āyatanehi pañcahi dhātūhi vippayuttā.

  182. 36.1

    Anupādinnaanupādāniyā dhammā … asaṅkiliṭṭhaasaṅkilesikā dhammā …pe… sampayuttāti?

  183. 36.2

    Natthi.

  184. 36.3

    Katihi vippayuttā?

  185. 36.4

    Na kehici khandhehi na kehici āyatanehi chahi dhātūhi vippayuttā.

  186. 37.1

    Savitakkasavicārā dhammā ekena khandhena ekenāyatanena ekāya dhātuyā kehici sampayuttā.

  187. 37.2

    Katihi vippayuttā?

  188. 37.3

    Ekena khandhena dasahāyatanehi pannarasahi dhātūhi vippayuttā;

  189. 37.4

    ekenāyatanena ekāya dhātuyā kehici vippayuttā.

  190. 38.1

    Avitakkavicāramattā dhammā … pītisahagatā dhammā ekena khandhena ekenāyatanena ekāya dhātuyā kehici sampayuttā.

  191. 38.2

    Katihi vippayuttā?

  192. 38.3

    Ekena khandhena dasahāyatanehi soḷasahi dhātūhi vippayuttā;

  193. 38.4

    ekenāyatanena ekāya dhātuyā kehici vippayuttā.

  194. 39.1

    Avitakkaavicārā dhammā …pe… sampayuttāti?

  195. 39.2

    Natthi.

  196. 39.3

    Katihi vippayuttā?

  197. 39.4

    Na kehici khandhehi na kehici āyatanehi ekāya dhātuyā vippayuttā.

  198. 40.1

    Sukhasahagatā dhammā ekena khandhena sampayuttā;

  199. 40.2

    ekenāyatanena ekāya dhātuyā kehici sampayuttā.

  200. 40.3

    Katihi vippayuttā?

  201. 40.4

    Ekena khandhena dasahāyatanehi pannarasahi dhātūhi vippayuttā;

  202. 40.5

    ekenāyatanena ekāya dhātuyā kehici vippayuttā.

  203. 41.1

    Upekkhāsahagatā dhammā ekena khandhena sampayuttā;

  204. 41.2

    ekenāyatanena ekāya dhātuyā kehici sampayuttā.

  205. 41.3

    Katihi vippayuttā?

  206. 41.4

    Ekena khandhena dasahāyatanehi ekādasahi dhātūhi vippayuttā;

  207. 41.5

    ekenāyatanena ekāya dhātuyā kehici vippayuttā.

  208. 42.1

    Dassanena pahātabbā dhammā bhāvanāya pahātabbā dhammā … dassanena pahātabbahetukā dhammā … bhāvanāya pahātabbahetukā dhammā … ācayagāmino dhammā … apacayagāmino dhammā … sekkhā dhammā … asekkhā dhammā … mahaggatā dhammā …pe… sampayuttāti?

  209. 42.2

    Natthi.

  210. 42.3

    Katihi vippayuttā?

  211. 42.4

    Ekena khandhena dasahāyatanehi soḷasahi dhātūhi vippayuttā;

  212. 42.5

    ekenāyatanena ekāya dhātuyā kehici vippayuttā.

  213. 43.1

    Appamāṇā dhammā … paṇītā dhammā …pe… sampayuttāti?

  214. 43.2

    Natthi.

  215. 43.3

    Katihi vippayuttā?

  216. 43.4

    Na kehici khandhehi na kehici āyatanehi chahi dhātūhi vippayuttā.

  217. 44.1

    Parittārammaṇā dhammā …pe… sampayuttāti?

  218. 44.2

    Natthi.

  219. 44.3

    Katihi vippayuttā?

  220. 44.4

    Ekena khandhena dasahāyatanehi dasahi dhātūhi vippayuttā;

  221. 44.5

    ekenāyatanena ekāya dhātuyā kehici vippayuttā.

  222. 45.1

    Mahaggatārammaṇā dhammā … appamāṇārammaṇā dhammā … hīnā dhammā … micchattaniyatā dhammā … sammattaniyatā dhammā … maggārammaṇā dhammā … maggahetukā dhammā … maggādhipatino dhammā …pe… sampayuttāti?

  223. 45.2

    Natthi.

  224. 45.3

    Katihi vippayuttā?

  225. 45.4

    Ekena khandhena dasahāyatanehi soḷasahi dhātūhi vippayuttā;

  226. 45.5

    ekenāyatanena ekāya dhātuyā kehici vippayuttā.

  227. 46.1

    Anuppannā dhammā …pe… sampayuttāti?

  228. 46.2

    Natthi.

  229. 46.3

    Katihi vippayuttā?

  230. 46.4

    Na kehici khandhehi na kehici āyatanehi pañcahi dhātūhi vippayuttā. –18

  231. 47.1

    Atītārammaṇā dhammā …pe… anāgatārammaṇā dhammā …pe… sampayuttāti?

  232. 47.2

    Natthi.

  233. 47.3

    Katihi vippayuttā?

  234. 47.4

    Ekena khandhena dasahāyatanehi soḷasahi dhātūhi vippayuttā;

  235. 47.5

    ekenāyatanena ekāya dhātuyā kehici vippayuttā.

  236. 48.1

    Paccuppannārammaṇā dhammā … ajjhattārammaṇā dhammā … bahiddhārammaṇā dhammā … ajjhattabahiddhārammaṇā dhammā …pe… sampayuttāti?

  237. 48.2

    Natthi.

  238. 48.3

    Katihi vippayuttā?

  239. 48.4

    Ekena khandhena dasahāyatanehi dasahi dhātūhi vippayuttā;

  240. 48.5

    ekenāyatanena ekāya dhātuyā kehici vippayuttā.

  241. 49.1

    Sanidassanasappaṭighā dhammā … anidassanasappaṭighā dhammā …pe… sampayuttāti?

  242. 49.2

    Natthi.

  243. 49.3

    Katihi vippayuttā?

  244. 49.4

    Catūhi khandhehi ekenāyatanena sattahi dhātūhi vippayuttā;

  245. 49.5

    ekenāyatanena ekāya dhātuyā kehici vippayuttā.

  246. 2.6.6. Duka

  247. 2.6.6.1. Hetugocchaka

  248. 50.1

    Hetū dhammā … hetū ceva sahetukā ca dhammā … hetū ceva hetusampayuttā ca dhammā tīhi khandhehi ekenāyatanena ekāya dhātuyā sampayuttā;

  249. 50.2

    ekena khandhena ekenāyatanena ekāya dhātuyā kehici sampayuttā.

  250. 50.3

    Katihi vippayuttā?

  251. 50.4

    Ekena khandhena dasahāyatanehi soḷasahi dhātūhi vippayuttā;

  252. 50.5

    ekenāyatanena ekāya dhātuyā kehici vippayuttā.

  253. 51.1

    Sahetukā dhammā … hetusampayuttā dhammā …pe… sampayuttāti?

  254. 51.2

    Natthi.

  255. 51.3

    Katihi vippayuttā?

  256. 51.4

    Ekena khandhena dasahāyatanehi soḷasahi dhātūhi vippayuttā;

  257. 51.5

    ekenāyatanena ekāya dhātuyā kehici vippayuttā.

  258. 52.1

    Sahetukā ceva na ca hetū dhammā … hetusampayuttā ceva na ca hetū dhammā … na hetusahetukā dhammā ekena khandhena ekenāyatanena ekāya dhātuyā kehici sampayuttā.

  259. 52.2

    Katihi vippayuttā?

  260. 52.3

    Ekena khandhena dasahāyatanehi soḷasahi dhātūhi vippayuttā;

  261. 52.4

    ekenāyatanena ekāya dhātuyā kehici vippayuttā.

  262. 2.6.6.2. Cūḷantaraduka

  263. 53.1

    Appaccayā dhammā … asaṅkhatā dhammā … sanidassanā dhammā … sappaṭighā dhammā … rūpino dhammā …pe… sampayuttāti?

  264. 53.2

    Natthi.

  265. 53.3

    Katihi vippayuttā?

  266. 53.4

    Catūhi khandhehi ekenāyatanena sattahi dhātūhi vippayuttā;

  267. 53.5

    ekenāyatanena ekāya dhātuyā kehici vippayuttā.

  268. 54.1

    Lokuttarā dhammā …pe… sampayuttāti?

  269. 54.2

    Natthi.

  270. 54.3

    Katihi vippayuttā?

  271. 54.4

    Na kehici khandhehi na kehici āyatanehi chahi dhātūhi vippayuttā.

  272. 2.6.6.3. Āsavagocchaka

  273. 55.1

    Āsavā dhammā … āsavā ceva sāsavā ca dhammā … āsavā ceva āsavasampayuttā ca dhammā tīhi khandhehi ekenāyatanena ekāya dhātuyā sampayuttā;

  274. 55.2

    ekena khandhena ekenāyatanena ekāya dhātuyā kehici sampayuttā.

  275. 55.3

    Katihi vippayuttā?

  276. 55.4

    Ekena khandhena dasahāyatanehi soḷasahi dhātūhi vippayuttā;

  277. 55.5

    ekenāyatanena ekāya dhātuyā kehici vippayuttā.

  278. 56.1

    Anāsavā dhammā … āsavavippayuttā anāsavā dhammā …pe… sampayuttāti?

  279. 56.2

    Natthi.

  280. 56.3

    Katihi vippayuttā?

  281. 56.4

    Na kehici khandhehi na kehici āyatanehi chahi dhātūhi vippayuttā.

  282. 57.1

    Āsavasampayuttā dhammā …pe… sampayuttāti?

  283. 57.2

    Natthi.

  284. 57.3

    Katihi vippayuttā?

  285. 57.4

    Ekena khandhena dasahāyatanehi soḷasahi dhātūhi vippayuttā;

  286. 57.5

    ekenāyatanena ekāya dhātuyā kehici vippayuttā.

  287. 58.1

    Āsavasampayuttā ceva no ca āsavā dhammā ekena khandhena ekenāyatanena ekāya dhātuyā kehici sampayuttā.

  288. 58.2

    Katihi vippayuttā?

  289. 58.3

    Ekena khandhena dasahāyatanehi soḷasahi dhātūhi vippayuttā;

  290. 58.4

    ekenāyatanena ekāya dhātuyā kehici vippayuttā.

  291. 2.6.6.4–9. Saṁyojanagocchakādi

  292. 59.1

    Saṁyojanā dhammā … ganthā dhammā … oghā dhammā … yogā dhammā … nīvaraṇā dhammā … parāmāsā dhammā … parāmāsā ceva parāmaṭṭhā ca dhammā tīhi khandhehi ekenāyatanena ekāya dhātuyā sampayuttā;

  293. 59.2

    ekena khandhena ekenāyatanena ekāya dhātuyā kehici sampayuttā.

  294. 59.3

    Katihi vippayuttā?

  295. 59.4

    Ekena khandhena dasahāyatanehi soḷasahi dhātūhi vippayuttā;

  296. 59.5

    ekenāyatanena ekāya dhātuyā kehici vippayuttā.

  297. 60.1

    Aparāmaṭṭhā dhammā … parāmāsavippayuttā aparāmaṭṭhā dhammā sampayuttāti?

  298. 60.2

    Natthi.

  299. 60.3

    Katihi vippayuttā?

  300. 60.4

    Na kehici khandhehi na kehici āyatanehi chahi dhātūhi vippayuttā.

  301. 61.1

    Parāmāsasampayuttā dhammā ekena khandhena ekenāyatanena ekāya dhātuyā kehici sampayuttā.

  302. 61.2

    Katihi vippayuttā?

  303. 61.3

    Ekena khandhena dasahāyatanehi soḷasahi dhātūhi vippayuttā;

  304. 61.4

    ekenāyatanena ekāya dhātuyā kehici vippayuttā.

  305. 2.6.10. Mahantaraduka

  306. 62.1

    Sārammaṇā dhammā …pe… sampayuttāti?

  307. 62.2

    Natthi.

  308. 62.3

    Katihi vippayuttā?

  309. 62.4

    Ekena khandhena dasahāyatanehi dasahi dhātūhi vippayuttā;

  310. 62.5

    ekenāyatanena ekāya dhātuyā kehici vippayuttā.

  311. 63.1

    Anārammaṇā dhammā … cittavippayuttā dhammā … cittavisaṁsaṭṭhā dhammā … upādā dhammā …pe… sampayuttāti?

  312. 63.2

    Natthi.

  313. 63.3

    Katihi vippayuttā?

  314. 63.4

    Catūhi khandhehi ekenāyatanena sattahi dhātūhi vippayuttā;

  315. 63.5

    ekenāyatanena ekāya dhātuyā kehici vippayuttā.

  316. 64.1

    Cittā dhammā tīhi khandhehi sampayuttā;

  317. 64.2

    ekenāyatanena ekāya dhātuyā kehici sampayuttā.

  318. 64.3

    Katihi vippayuttā?

  319. 64.4

    Ekena khandhena dasahāyatanehi dasahi dhātūhi vippayuttā;

  320. 64.5

    ekenāyatanena ekāya dhātuyā kehici vippayuttā.

  321. 65.1

    Cetasikā dhammā … cittasampayuttā dhammā … cittasaṁsaṭṭhā dhammā … cittasaṁsaṭṭhasamuṭṭhānā dhammā … cittasaṁsaṭṭhasamuṭṭhānasahabhuno dhammā … cittasaṁsaṭṭhasamuṭṭhānānuparivattino dhammā ekena khandhena ekenāyatanena sattahi dhātūhi sampayuttā.

  322. 65.2

    Katihi vippayuttā?

  323. 65.3

    Ekena khandhena dasahāyatanehi dasahi dhātūhi vippayuttā;

  324. 65.4

    ekenāyatanena ekāya dhātuyā kehici vippayuttā.

  325. 66.1

    Anupādinnā dhammā …pe… sampayuttāti?

  326. 66.2

    Natthi.

  327. 66.3

    Katihi vippayuttā?

  328. 66.4

    Na kehici khandhehi na kehici āyatanehi pañcahi dhātūhi vippayuttā.

  329. 2.6.6.11–12. Upādānagocchakādi

  330. 67.1

    Upādānā dhammā … kilesā dhammā … kilesā ceva saṅkilesikā ca dhammā … kilesā ceva saṅkiliṭṭhā ca dhammā … kilesā ceva kilesasampayuttā ca dhammā tīhi khandhehi ekenāyatanena ekāya dhātuyā sampayuttā;

  331. 67.2

    ekena khandhena ekenāyatanena ekāya dhātuyā kehici sampayuttā.

  332. 67.3

    Katihi vippayuttā?

  333. 67.4

    Ekena khandhena dasahāyatanehi soḷasahi dhātūhi vippayuttā;

  334. 67.5

    ekenāyatanena ekāya dhātuyā kehici vippayuttā.

  335. 68.1

    Asaṅkilesikā dhammā … kilesavippayuttā asaṅkilesikā dhammā …pe… sampayuttāti?

  336. 68.2

    Natthi.

  337. 68.3

    Katihi vippayuttā?

  338. 68.4

    Na kehici khandhehi na kehici āyatanehi chahi dhātūhi vippayuttā.

  339. 69.1

    Saṅkiliṭṭhā dhammā … kilesasampayuttā dhammā …pe… sampayuttāti?

  340. 69.2

    Natthi.

  341. 69.3

    Katihi vippayuttā?

  342. 69.4

    Ekena khandhena dasahāyatanehi soḷasahi dhātūhi vippayuttā;

  343. 69.5

    ekenāyatanena ekāya dhātuyā kehici vippayuttā.

  344. 70.1

    Saṅkiliṭṭhā ceva no ca kilesā dhammā … kilesasampayuttā ceva no ca kilesā dhammā ekena khandhena ekenāyatanena ekāya dhātuyā kehici sampayuttā.

  345. 70.2

    Katihi vippayuttā?

  346. 70.3

    Ekena khandhena dasahāyatanehi soḷasahi dhātūhi vippayuttā;

  347. 70.4

    ekenāyatanena ekāya dhātuyā kehici vippayuttā.

  348. 2.6.6.13. Piṭṭhiduka

  349. 71.1

    Dassanena pahātabbā dhammā … bhāvanāya pahātabbā dhammā … dassanena pahātabbahetukā dhammā … bhāvanāya pahātabbahetukā dhammā … sampayuttāti?

  350. 71.2

    Natthi.

  351. 71.3

    Katihi vippayuttā?

  352. 71.4

    Ekena khandhena dasahāyatanehi soḷasahi dhātūhi vippayuttā;

  353. 71.5

    ekenāyatanena ekāya dhātuyā kehici vippayuttā.

  354. 72.1

    Savitakkā dhammā … savicārā dhammā ekena khandhena ekenāyatanena ekāya dhātuyā kehici sampayuttā.

  355. 72.2

    Katihi vippayuttā?

  356. 72.3

    Ekena khandhena dasahāyatanehi pannarasahi dhātūhi vippayuttā;

  357. 72.4

    ekenāyatanena ekāya dhātuyā kehici vippayuttā.

  358. 73.1

    Avitakkā dhammā … avicārā dhammā …pe… sampayuttāti?

  359. 73.2

    Natthi.

  360. 73.3

    Katihi vippayuttā?

  361. 73.4

    Na kehici khandhehi na kehici āyatanehi ekāya dhātuyā vippayuttā.

  362. 74.1

    Sappītikā dhammā … pītisahagatā dhammā ekena khandhena ekenāyatanena ekāya dhātuyā kehici sampayuttā.

  363. 74.2

    Katihi vippayuttā?

  364. 74.3

    Ekena khandhena dasahāyatanehi soḷasahi dhātūhi vippayuttā;

  365. 74.4

    ekenāyatanena ekāya dhātuyā kehici vippayuttā.

  366. 75.1

    Sukhasahagatā dhammā ekena khandhena sampayuttā;

  367. 75.2

    ekenāyatanena ekāya dhātuyā kehici sampayuttā.

  368. 75.3

    Katihi vippayuttā?

  369. 75.4

    Ekena khandhena dasahāyatanehi pannarasahi dhātūhi vippayuttā;

  370. 75.5

    ekenāyatanena ekāya dhātuyā kehici vippayuttā.

  371. 76.1

    Upekkhāsahagatā dhammā ekena khandhena sampayuttā;

  372. 76.2

    ekenāyatanena ekāya dhātuyā kehici sampayuttā.

  373. 76.3

    Katihi vippayuttā?

  374. 76.4

    Ekena khandhena dasahāyatanehi ekādasahi dhātūhi vippayuttā;

  375. 76.5

    ekenāyatanena ekāya dhātuyā kehici vippayuttā.

  376. 77.1

    Na kāmāvacarā dhammā … apariyāpannā dhammā … anuttarā dhammā …pe… sampayuttāti?

  377. 77.2

    Natthi.

  378. 77.3

    Katihi vippayuttā?

  379. 77.4

    Na kehici khandhehi na kehici āyatanehi chahi dhātūhi vippayuttā.

  380. 78.1

    Rūpāvacarā dhammā … arūpāvacarā dhammā … niyyānikā dhammā … niyatā dhammā … saraṇā dhammā katihi khandhehi katihāyatanehi katihi dhātūhi sampayuttāti?

  381. 78.2

    Natthi.

  382. 78.3

    Katihi vippayuttā?

  383. 78.4

    Ekena khandhena dasahāyatanehi soḷasahi dhātūhi vippayuttā;

  384. 78.5

    ekenāyatanena ekāya dhātuyā kehici vippayuttā.

  385. 79.1

    Dhammāyatanaṁ dhammadhātu,

  386. 79.2

    Dukkhasaccañca jīvitaṁ;

  387. 79.3

    Saḷāyatanaṁ nāmarūpaṁ,

  388. 79.4

    Cattāro ca mahābhavā.

  389. 80.1

    Jāti jarā ca maraṇaṁ,

  390. 80.2

    tikesvekūnavīsati;

  391. 80.3

    Gocchakesu ca paññāsa,

  392. 80.4

    aṭṭha cūḷantare padā.

  393. 81.1

    Mahantare pannarasa,

  394. 81.2

    aṭṭhārasa tato pare;

  395. 81.3

    Tevīsa padasataṁ etaṁ,

  396. 81.4

    sampayoge na labbhatīti. [123]

  397. 82.1

    Sampayogavippayogapadaniddeso chaṭṭho.

แหล่งที่มา
SuttaCentral · ดึงข้อมูลเมื่อ 2026-08-15 · dt2.6
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ