Ja 488

Bhisajātaka

A Meal of Lotus Fibres

“May horse and kine”—This story the Master told whilst dwelling in Jetavana, about a backsliding Brother. The circumstances will appear under the Kusa Birth. Here again the Master asked—“Is it true, Brother, that you have backslidden?” “Yes, Sir, it is true.” “For what cause?” “For sin’s sake, Sir.” “Brother why do you backslide, after embracing such a faith as this which leads to salvation; and all for sin’s sake? In days of yore, before the Buddha arose, wise men who took to the religious life, even they who were outside the pale, made an oath, and renounced a suggested idea connected with temptations or desires!” So saying, he told a story of the past.

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    Jātaka

  2. 0.2

    Pakiṇṇakanipāta

  3. 0.3

    Sālikedāravagga

  4. 5. Bhisajātaka

  5. 1.1

    “Assaṁ gavaṁ rajataṁ jātarūpaṁ,

  6. 1.2

    Bhariyañca so idha labhataṁ manāpaṁ;

  7. 1.3

    Puttehi dārehi samaṅgi hotu,

  8. 1.4

    Bhisāni te brāhmaṇa yo ahāsi”.

  9. 2.1

    “Mālañca so kāsikacandanañca,

  10. 2.2

    Dhāretu puttassa bahū bhavantu;

  11. 2.3

    Kāmesu tibbaṁ kurutaṁ apekkhaṁ,

  12. 2.4

    Bhisāni te brāhmaṇa yo ahāsi”.

  13. 3.1

    “Pahūtadhañño kasimā yasassī,

  14. 3.2

    Putte gihī dhanimā sabbakāme;

  15. 3.3

    Vayaṁ apassaṁ gharamāvasātu,

  16. 3.4

    Bhisāni te brāhmaṇa yo ahāsi.

  17. 4.1

    So khattiyo hotu pasayhakārī,

  18. 4.2

    Rājābhirājā balavā yasassī;

  19. 4.3

    Sa cāturantaṁ mahimāvasātu,

  20. 4.4

    Bhisāni te brāhmaṇa yo ahāsi.

  21. 5.1

    So brāhmaṇo hotu avītarāgo,

  22. 5.2

    Muhuttanakkhattapathesu yutto;

  23. 5.3

    Pūjetu naṁ raṭṭhapatī yasassī,

  24. 5.4

    Bhisāni te brāhmaṇa yo ahāsi.

  25. 6.1

    Ajjhāyakaṁ sabbasamantavedaṁ,

  26. 6.2

    Tapassīnaṁ maññatu sabbaloko;

  27. 6.3

    Pūjentu naṁ jānapadā samecca,

  28. 6.4

    Bhisāni te brāhmaṇa yo ahāsi.

  29. 7.1

    Catussadaṁ gāmavaraṁ samiddhaṁ,

  30. 7.2

    Dinnañhi so bhuñjatu vāsavena;

  31. 7.3

    Avītarāgo maraṇaṁ upetu,

  32. 7.4

    Bhisāni te brāhmaṇa yo ahāsi.

  33. 8.1

    So gāmaṇī hotu sahāyamajjhe,

  34. 8.2

    Naccehi gītehi pamodamāno;

  35. 8.3

    So rājato byasana mālattha kiñci,

  36. 8.4

    Bhisāni te brāhmaṇa yo ahāsi.

  37. 9.1

    Yaṁ ekarājā pathaviṁ vijetvā,

  38. 9.2

    Itthīsahassāna ṭhapetu aggaṁ;

  39. 9.3

    Sīmantinīnaṁ pavarā bhavātu,

  40. 9.4

    Bhisāni te brāhmaṇa yā ahāsi.

  41. 10.1

    Isīnañhi sā sabbasamāgatānaṁ,

  42. 10.2

    Bhuñjeyya sāduṁ avikampamānā;

  43. 10.3

    Carātu lābhena vikatthamānā,

  44. 10.4

    Bhisāni te brāhmaṇa yā ahāsi.

  45. 11.1

    Āvāsiko hotu mahāvihāre,

  46. 11.2

    Navakammiko hotu gajaṅgalāyaṁ;

  47. 11.3

    Ālokasandhiṁ divasaṁ karotu,

  48. 11.4

    Bhisāni te brāhmaṇa yo ahāsi.

  49. 12.1

    So bajjhatū pāsasatehi chabbhi,

  50. 12.2

    Rammā vanā niyyatu rājadhāniṁ;

  51. 12.3

    Tuttehi so haññatu pācanehi,

  52. 12.4

    Bhisāni te brāhmaṇa yo ahāsi.

  53. 13.1

    Alakkamālī tipukaṇṇaviddho,

  54. 13.2

    Laṭṭhīhato sappamukhaṁ upetu;

  55. 13.3

    Sakacchabandho visikhaṁ carātu,

  56. 13.4

    Bhisāni te brāhmaṇa yo ahāsi”.

  57. 14.1

    “Yo ve anaṭṭhaṁva naṭṭhanti cāha,

  58. 14.2

    Kāmeva so labhataṁ bhuñjatañca;

  59. 14.3

    Agāramajjhe maraṇaṁ upetu,

  60. 14.4

    Yo vā bhonto saṅkati kañcideva”.

  61. 15.1

    “Yadesamānā vicaranti loke,

  62. 15.2

    Iṭṭhañca kantañca bahūnametaṁ;

  63. 15.3

    Piyaṁ manuññaṁ cidha jīvaloke,

  64. 15.4

    Kasmā isayo nappasaṁsanti kāme”.

  65. 16.1

    “Kāmesu ve haññare bajjhare ca,

  66. 16.2

    Kāmesu dukkhañca bhayañca jātaṁ;

  67. 16.3

    Kāmesu bhūtādhipatī pamattā,

  68. 16.4

    Pāpāni kammāni karonti mohā.

  69. 17.1

    Te pāpadhammā pasavetva pāpaṁ,

  70. 17.2

    Kāyassa bhedā nirayaṁ vajanti;

  71. 17.3

    Ādīnavaṁ kāmaguṇesu disvā,

  72. 17.4

    Tasmā isayo nappasaṁsanti kāme”.

  73. 18.1

    “Vīmaṁsamāno isino bhisāni,

  74. 18.2

    Tīre gahetvāna thale nidhesiṁ;

  75. 18.3

    Suddhā apāpā isayo vasanti,

  76. 18.4

    Etāni te brahmacārī bhisāni”.

  77. 19.1

    “Na te naṭā no pana kīḷaneyyā,

  78. 19.2

    Na bandhavā no pana te sahāyā;

  79. 19.3

    Kismiṁ vupatthambha sahassanetta,

  80. 19.4

    Isīhi tvaṁ kīḷasi devarāja”.

  81. 20.1

    “Ācariyo mesi pitā ca mayhaṁ,

  82. 20.2

    Esā patiṭṭhā khalitassa brahme;

  83. 20.3

    Ekāparādhaṁ khama bhūripañña,

  84. 20.4

    Na paṇḍitā kodhabalā bhavanti”.

  85. 21.1

    “Suvāsitaṁ isinaṁ ekarattaṁ,

  86. 21.2

    Yaṁ vāsavaṁ bhūtapatiddasāma;

  87. 21.3

    Sabbeva bhonto sumanā bhavantu,

  88. 21.4

    Yaṁ brāhmaṇo paccupādī bhisāni”.

  89. 22.1

    “Ahañca sāriputto ca,

  90. 22.2

    moggallāno ca kassapo;

  91. 22.3

    Anuruddho puṇṇo ānando,

  92. 22.4

    tadāsuṁ satta bhātaro.

  93. 23.1

    Bhaginī uppalavaṇṇā ca,

  94. 23.2

    dāsī khujjuttarā tadā;

  95. 23.3

    Citto gahapati dāso,

  96. 23.4

    yakkho sātāgiro tadā.

  97. 24.1

    Pālileyyo tadā nāgo,

  98. 24.2

    madhudo seṭṭhavānaro;

  99. 24.3

    Kāḷudāyī tadā sakko,

  100. 24.4

    evaṁ dhāretha jātakanti”.

  101. 25.1

    Bhisajātakaṁ pañcamaṁ.

แหล่งที่มา
SuttaCentral · ดึงข้อมูลเมื่อ 2026-08-15 · ja488
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ