Bhallātiyajātaka
King Bhallātiya and the Pixies
“Was a king Bhallatiya”—This story the Master told while dwelling at Jetavana about Mallika, the Jessamine Bride. One day we are told there was a quarrel between her and the king about conjugal rights. The king was angry and would not look at her. “I suppose,” she thought, “the Tathagata does not know that the king is wroth with me.” When the Master learnt of it, next day, he sought alms in Benares, accompanied by the Brethren, and then repaired to the gate of the king’s palace. The king came to meet him, and relieved him of his bowl, took him up on the terrace, set the Brethren down in due order, gave them the water of welcome, offered them excellent food; after the meal he sat down on one side. “Why,” asked the Master, “why does not Mallika appear?” He said, “’Tis her own foolish pride in her prosperity.” The Master said, “O great king! long, long ago when you were a fairy, you kept apart for one night from your mate, and then went mourning for seven hundred years.” Then at his request, he told a story of the past.
- 0.1
Jātaka
- 0.2
Vīsatinipāta
- 0.3
Mātaṅgavagga
8. Bhallātiyajātaka
- 1.1
Bhallātiyo nāma ahosi rājā,
- 1.2
Raṭṭhaṁ pahāya migavaṁ acāri so;
- 1.3
Agamā girivaraṁ gandhamādanaṁ,
- 1.4
Supupphitaṁ kimpurisānuciṇṇaṁ.
- 2.1
Sāḷūrasaṅghañca nisedhayitvā,
- 2.2
Dhanuṁ kalāpañca so nikkhipitvā;
- 2.3
Upāgami vacanaṁ vattukāmo,
- 2.4
Yatthaṭṭhitā kimpurisā ahesuṁ.
- 3.1
“Himaccaye hemavatāya tīre,
- 3.2
Kimidhaṭṭhitā mantayavho abhiṇhaṁ;
- 3.3
Pucchāmi vo mānusadehavaṇṇe,
- 3.4
Kathaṁ vo jānanti manussaloke”.
- 4.1
“Mallaṁ giriṁ paṇḍarakaṁ tikūṭaṁ,
- 4.2
Sītodakā anuvicarāma najjo;
- 4.3
Migā manussāva nibhāsavaṇṇā,
- 4.4
Jānanti no kimpurisāti ludda”.
- 5.1
“Sukiccharūpaṁ paridevayavho,
- 5.2
Āliṅgito cāsi piyo piyāya;
- 5.3
Pucchāmi vo mānusadehavaṇṇe,
- 5.4
Kimidha vane rodatha appatītā.
- 6.1
Sukiccharūpaṁ paridevayavho,
- 6.2
Āliṅgito cāsi piyo piyāya;
- 6.3
Pucchāmi vo mānusadehavaṇṇe,
- 6.4
Kimidha vane vilapatha appatītā.
- 7.1
Sukiccharūpaṁ paridevayavho,
- 7.2
Āliṅgito cāsi piyo piyāya;
- 7.3
Pucchāmi vo mānusadehavaṇṇe,
- 7.4
Kimidha vane socatha appatītā”.
- 8.1
“Mayekarattaṁ vippavasimha ludda,
- 8.2
Akāmakā aññamaññaṁ sarantā;
- 8.3
Tamekarattaṁ anutappamānā,
- 8.4
Socāma ‘sā ratti punaṁ na hessati’”.
- 9.1
“Yamekarattaṁ anutappathetaṁ,
- 9.2
Dhanaṁ va naṭṭhaṁ pitaraṁ va petaṁ;
- 9.3
Pucchāmi vo mānusadehavaṇṇe,
- 9.4
Kathaṁ vinā vāsamakappayittha”.
- 10.1
“Yamimaṁ nadiṁ passasi sīghasotaṁ,
- 10.2
Nānādumacchādanaṁ selakūlaṁ;
- 10.3
Taṁ me piyo uttari vassakāle,
- 10.4
Mamañca maññaṁ anubandhatīti.
- 11.1
Ahañca aṅkolakamocināmi,
- 11.2
Atimuttakaṁ sattaliyothikañca;
- 11.3
‘Piyo ca me hehiti mālabhārī,
- 11.4
Ahañca naṁ mālinī ajjhupessaṁ’.
- 12.1
Ahañcidaṁ kuravakamocināmi,
- 12.2
Uddālakā pāṭalisindhuvārakā;
- 12.3
‘Piyo ca me hehiti mālabhārī,
- 12.4
Ahañca naṁ mālinī ajjhupessaṁ’.
- 13.1
Ahañca sālassa supupphitassa,
- 13.2
Oceyya pupphāni karomi mālaṁ;
- 13.3
‘Piyo ca me hehiti mālabhārī,
- 13.4
Ahañca naṁ mālinī ajjhupessaṁ’.
- 14.1
Ahañca sālassa supupphitassa,
- 14.2
Oceyya pupphāni karomi bhāraṁ;
- 14.3
Idañca no hehiti santharatthaṁ,
- 14.4
Yatthajjimaṁ viharissāma rattiṁ.
- 15.1
Ahañca kho agaḷuṁ candanañca,
- 15.2
Silāya piṁsāmi pamattarūpā;
- 15.3
‘Piyo ca me hehiti rositaṅgo,
- 15.4
Ahañca naṁ rositā ajjhupessaṁ’.
- 16.1
Athāgamā salilaṁ sīghasotaṁ,
- 16.2
Nudaṁ sāle salaḷe kaṇṇikāre;
- 16.3
Āpūratha tena muhuttakena,
- 16.4
Sāyaṁ nadī āsi mayā suduttarā.
- 17.1
Ubhosu tīresu mayaṁ tadā ṭhitā,
- 17.2
Sampassantā ubhayo aññamaññaṁ;
- 17.3
Sakimpi rodāma sakiṁ hasāma,
- 17.4
Kicchena no āgamā saṁvarī sā.
- 18.1
Pātova kho uggate sūriyamhi,
- 18.2
Catukkaṁ nadiṁ uttariyāna ludda;
- 18.3
Āliṅgiyā aññamaññaṁ mayaṁ ubho,
- 18.4
Sakimpi rodāma sakiṁ hasāma.
- 19.1
Tīhūnakaṁ sattasatāni ludda,
- 19.2
Yamidha mayaṁ vippavasimha pubbe;
- 19.3
Vassekimaṁ jīvitaṁ bhūmipāla,
- 19.4
Ko nīdha kantāya vinā vaseyya”.
- 20.1
“Āyuñca vo kīvatako nu samma,
- 20.2
Sacepi jānātha vadetha āyuṁ;
- 20.3
Anussavā vuḍḍhato āgamā vā,
- 20.4
Akkhātha me taṁ avikampamānā”.
- 21.1
“Āyuñca no vassasahassaṁ ludda,
- 21.2
Na cantarā pāpako atthi rogo;
- 21.3
Appañca dukkhaṁ sukhameva bhiyyo,
- 21.4
Avītarāgā vijahāma jīvitaṁ”.
- 22.1
“Idañca sutvāna amānusānaṁ,
- 22.2
Bhallātiyo ittara jīvitanti;
- 22.3
Nivattatha na migavaṁ acari,
- 22.4
Adāsi dānāni abhuñji bhoge.
- 23.1
Idañca sutvāna amānusānaṁ,
- 23.2
Sammodatha mā kalahaṁ akattha;
- 23.3
Mā vo tapī attakammāparādho,
- 23.4
Yathāpi te kimpurisekarattaṁ.
- 24.1
Idañca sutvāna amānusānaṁ,
- 24.2
Sammodatha mā vivādaṁ akattha;
- 24.3
Mā vo tapī attakammāparādho,
- 24.4
Yathāpi te kimpurisekarattaṁ”.
- 25.1
“Vividhaṁ adhimanā suṇomahaṁ,
- 25.2
Vacanapathaṁ tava atthasaṁhitaṁ;
- 25.3
Muñcaṁ giraṁ nudaseva me daraṁ,
- 25.4
Samaṇa sukhāvaha jīva me ciran”ti.
- 26.1
Bhallātiyajātakaṁ aṭṭhamaṁ.
- แหล่งที่มา
- SuttaCentral · ดึงข้อมูลเมื่อ 2026-08-15 ·
ja504 - ฉบับที่ใช้
- Mahāsaṅgīti Tipiṭaka Buddhavasse 2500 — PDM-1.0
- English translation — Bhikkhu Sujato — CC0-1.0
- สิทธิ์การใช้งาน
- สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ
- ฉบับที่ยังไม่เปิดใช้
- พระไตรปิฎกภาษาไทย ฉบับหลวง — ยังไม่ยืนยันสิทธิ์ — ยังไม่เผยแพร่ตัวบท