Vipākattika, Hetuduka
- 0.1
Paṭṭhānapakaraṇa
- 0.2
Dhammapaccanīyānuloma (4), Tikadukapaṭṭhānapāḷi (4)
22.18. Vipākattika, Hetuduka
- 1.1
Navipākaṁ nahetuṁ dhammaṁ paṭicca vipāko hetu dhammo uppajjati hetupaccayā. Navipākaṁ nahetuṁ dhammaṁ paṭicca vipākadhammadhammo hetu dhammo uppajjati hetupaccayā. Navipākaṁ nahetuṁ dhammaṁ paṭicca nevavipākanavipākadhammadhammo hetu dhammo uppajjati hetupaccayā … tīṇi.
- 2.1
Navipākadhammadhammaṁ nahetuṁ dhammaṁ paṭicca vipāko hetu dhammo uppajjati hetupaccayā. Navipākadhammadhammaṁ nahetuṁ dhammaṁ paṭicca nevavipākanavipākadhammadhammo hetu dhammo uppajjati hetupaccayā … dve.
- 3.1
Nanevavipākanavipākadhammadhammaṁ nahetuṁ dhammaṁ paṭicca vipāko hetu dhammo uppajjati hetupaccayā. Nanevavipākanavipākadhammadhammaṁ nahetuṁ dhammaṁ paṭicca vipākadhammadhammo hetu dhammo uppajjati hetupaccayā … dve.
- 4.1
Navipākaṁ nahetuñca nanevavipākanavipākadhammadhammaṁ nahetuñca dhammaṁ paṭicca vipākadhammadhammo hetu dhammo uppajjati hetupaccayā … ekaṁ.
- 5.1
Navipākadhammadhammaṁ nahetuñca nanevavipākanavipākadhammadhammaṁ nahetuñca dhammaṁ paṭicca vipāko hetu dhammo uppajjati hetupaccayā … ekaṁ.
- 6.1
Navipākaṁ nahetuñca navipākadhammadhammaṁ nahetuñca dhammaṁ paṭicca vipāko hetu dhammo uppajjati hetupaccayā. Navipākaṁ nahetuñca navipākadhammadhammaṁ nahetuñca dhammaṁ paṭicca nevavipākanavipākadhammadhammo hetu dhammo uppajjati hetupaccayā … dve. (Saṅkhittaṁ.) Hetuyā ekādasa, ārammaṇe ekādasa, adhipatiyā nava …pe… purejāte nava, āsevane cha …pe… vipāke pañca …pe… avigate ekādasa.
- 7.1
Navipākaṁ nanahetuṁ dhammaṁ paṭicca vipākadhammadhammo nahetu dhammo uppajjati hetupaccayā. (Saṅkhittaṁ.) Hetuyā aṭṭhārasa, ārammaṇe nava …pe… aññamaññe cuddasa …pe… vipāke nava …pe… avigate aṭṭhārasa.
- แหล่งที่มา
- SuttaCentral · ดึงข้อมูลเมื่อ 2026-08-15 ·
patthana22.18 - ฉบับที่ใช้
- Mahāsaṅgīti Tipiṭaka Buddhavasse 2500 — PDM-1.0
- English translation — Bhikkhu Sujato — CC0-1.0
- สิทธิ์การใช้งาน
- สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ