Pv 18

Kaṇhapetavatthu

King Kaṇha

How should we think to overcome grief?

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    Petavatthu

  2. 0.2

    Ubbarivagga

  3. 6. Kaṇhapetavatthu

  4. 1.1

    “Uṭṭhehi kaṇha kiṁ sesi,

  5. 1.2

    Ko attho supanena te;

  6. 1.3

    Yo ca tuyhaṁ sako bhātā,

  7. 1.4

    Hadayaṁ cakkhu ca dakkhiṇaṁ;

  8. 1.5

    Tassa vātā balīyanti,

  9. 1.6

    Sasaṁ jappati kesavā”ti.

  10. 2.1

    “Tassa taṁ vacanaṁ sutvā,

  11. 2.2

    rohiṇeyyassa kesavo;

  12. 2.3

    Taramānarūpo vuṭṭhāsi,

  13. 2.4

    bhātusokena aṭṭito.

  14. 3.1

    Kiṁ nu ummattarūpova,

  15. 3.2

    kevalaṁ dvārakaṁ imaṁ;

  16. 3.3

    Saso sasoti lapasi,

  17. 3.4

    kīdisaṁ sasamicchasi.

  18. 4.1

    Sovaṇṇamayaṁ maṇimayaṁ,

  19. 4.2

    Lohamayaṁ atha rūpiyamayaṁ;

  20. 4.3

    Saṅkhasilāpavāḷamayaṁ,

  21. 4.4

    Kārayissāmi te sasaṁ.

  22. 5.1

    Santi aññepi sasakā,

  23. 5.2

    araññavanagocarā;

  24. 5.3

    Tepi te ānayissāmi,

  25. 5.4

    kīdisaṁ sasamicchasī”ti.

  26. 6.1

    “Nāhamete sase icche,

  27. 6.2

    ye sasā pathavissitā;

  28. 6.3

    Candato sasamicchāmi,

  29. 6.4

    taṁ me ohara kesavā”ti.

  30. 7.1

    “So nūna madhuraṁ ñāti,

  31. 7.2

    jīvitaṁ vijahissasi;

  32. 7.3

    Apatthiyaṁ patthayasi,

  33. 7.4

    candato sasamicchasī”ti.

  34. 8.1

    “Evañce kaṇha jānāsi,

  35. 8.2

    yathaññamanusāsasi;

  36. 8.3

    Kasmā pure mataṁ puttaṁ,

  37. 8.4

    ajjāpi manusocasi.

  38. 9.1

    Na yaṁ labbhā manussena,

  39. 9.2

    amanussena vā pana;

  40. 9.3

    Jāto me mā mari putto,

  41. 9.4

    kuto labbhā alabbhiyaṁ.

  42. 10.1

    Na mantā mūlabhesajjā,

  43. 10.2

    osadhehi dhanena vā;

  44. 10.3

    Sakkā ānayituṁ kaṇha,

  45. 10.4

    yaṁ petamanusocasi.

  46. 11.1

    Mahaddhanā mahābhogā,

  47. 11.2

    raṭṭhavantopi khattiyā;

  48. 11.3

    Pahūtadhanadhaññāse,

  49. 11.4

    tepi no ajarāmarā.

  50. 12.1

    Khattiyā brāhmaṇā vessā,

  51. 12.2

    suddā caṇḍālapukkusā;

  52. 12.3

    Ete caññe ca jātiyā,

  53. 12.4

    tepi no ajarāmarā.

  54. 13.1

    Ye mantaṁ parivattenti,

  55. 13.2

    chaḷaṅgaṁ brahmacintitaṁ;

  56. 13.3

    Ete caññe ca vijjāya,

  57. 13.4

    tepi no ajarāmarā.

  58. 14.1

    Isayo vāpi ye santā,

  59. 14.2

    saññatattā tapassino;

  60. 14.3

    Sarīraṁ tepi kālena,

  61. 14.4

    vijahanti tapassino.

  62. 15.1

    Bhāvitattā arahanto,

  63. 15.2

    katakiccā anāsavā;

  64. 15.3

    Nikkhipanti imaṁ dehaṁ,

  65. 15.4

    puññapāpaparikkhayā”ti.

  66. 16.1

    “Ādittaṁ vata maṁ santaṁ,

  67. 16.2

    ghatasittaṁva pāvakaṁ;

  68. 16.3

    Vārinā viya osiñcaṁ,

  69. 16.4

    sabbaṁ nibbāpaye daraṁ.

  70. 17.1

    Abbahī vata me sallaṁ,

  71. 17.2

    sokaṁ hadayanissitaṁ;

  72. 17.3

    Yo me sokaparetassa,

  73. 17.4

    puttasokaṁ apānudi.

  74. 18.1

    Svāhaṁ abbūḷhasallosmi,

  75. 18.2

    sītibhūtosmi nibbuto;

  76. 18.3

    Na socāmi na rodāmi,

  77. 18.4

    tava sutvāna bhātika”.

  78. 19.1

    Evaṁ karonti sappaññā,

  79. 19.2

    ye honti anukampakā;

  80. 19.3

    Nivattayanti sokamhā,

  81. 19.4

    ghaṭo jeṭṭhaṁva bhātaraṁ.

  82. 20.1

    Yassa etādisā honti,

  83. 20.2

    amaccā paricārakā;

  84. 20.3

    Subhāsitena anventi,

  85. 20.4

    ghaṭo jeṭṭhaṁva bhātaranti.

  86. 21.1

    Kaṇhapetavatthu chaṭṭhaṁ.

แหล่งที่มา
SuttaCentral · ดึงข้อมูลเมื่อ 2026-08-15 · pv18
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ
ฉบับที่ยังไม่เปิดใช้
พระไตรปิฎกภาษาไทย ฉบับหลวง — ยังไม่ยืนยันสิทธิ์ — ยังไม่เผยแพร่ตัวบท
Dhīranandī (Thai) — ยังไม่ยืนยันสิทธิ์ — ยังไม่เผยแพร่ตัวบท
พระอาจารย์ชยสาโร (Thai) — ยังไม่ยืนยันสิทธิ์ — ยังไม่เผยแพร่ตัวบท