Dutiyanandikkhayasutta
Focusing properly on the five aggregates you see them as they are and become free.
- 0.1
Saṁyutta Nikāya 22.52
Linked Discourses 22.52
- 0.2
5. Attadīpavagga
5. Be Your Own Island
Dutiyanandikkhayasutta
The End of Relishing (2nd)
- 1.1
Sāvatthinidānaṁ.
At Sāvatthī.
- 1.2
“Rūpaṁ, bhikkhave, yoniso manasi karotha, rūpāniccatañca yathābhūtaṁ samanupassatha.
“Mendicants, rationally apply the mind to form. Truly see the impermanence of form.
- 1.3
Rūpaṁ, bhikkhave, bhikkhu yoniso manasi karonto, rūpāniccatañca yathābhūtaṁ samanupassanto rūpasmiṁ nibbindati.
When a mendicant does this, they grow disillusioned with form.
- 1.4
Nandikkhayā rāgakkhayo, rāgakkhayā nandikkhayo.
When relishing ends, greed ends. When greed ends, relishing ends.
- 1.5
Nandirāgakkhayā cittaṁ vimuttaṁ suvimuttanti vuccati.
When relishing and greed end, the mind is freed, and is said to be well freed.
- 1.6
Vedanaṁ, bhikkhave, yoniso manasi karotha, vedanāniccatañca yathābhūtaṁ samanupassatha.
Rationally apply the mind to feeling …
- 1.7
Vedanaṁ, bhikkhave, bhikkhu yoniso manasi karonto, vedanāniccatañca yathābhūtaṁ samanupassanto vedanāya nibbindati.
- 1.8
Nandikkhayā rāgakkhayo, rāgakkhayā nandikkhayo.
- 1.9
Nandirāgakkhayā cittaṁ vimuttaṁ suvimuttanti vuccati.
- 1.10
Saññaṁ bhikkhave …
perception …
- 1.11
saṅkhāre, bhikkhave, yoniso manasi karotha, saṅkhārāniccatañca yathābhūtaṁ samanupassatha.
choices …
- 1.12
Saṅkhāre, bhikkhave, bhikkhu yoniso manasi karonto, saṅkhārāniccataṁ yathābhūtaṁ samanupassanto saṅkhāresu nibbindati.
- 1.13
Nandikkhayā rāgakkhayo, rāgakkhayā nandikkhayo.
- 1.14
Nandirāgakkhayā cittaṁ vimuttaṁ suvimuttanti vuccati.
- 1.15
Viññāṇaṁ, bhikkhave, yoniso manasi karotha, viññāṇāniccatañca yathābhūtaṁ samanupassatha.
consciousness. Truly see the impermanence of consciousness.
- 1.16
Viññāṇaṁ, bhikkhave, bhikkhu yoniso manasi karonto, viññāṇāniccatañca yathābhūtaṁ samanupassanto viññāṇasmiṁ nibbindati.
When a mendicant does this, they grow disillusioned with consciousness.
- 1.17
Nandikkhayā rāgakkhayo, rāgakkhayā nandikkhayo.
When relishing ends, greed ends. When greed ends, relishing ends.
- 1.18
Nandirāgakkhayā cittaṁ vimuttaṁ suvimuttanti vuccatī”ti.
When relishing and greed end, the mind is freed, and is said to be well freed.”
- 1.19
Dasamaṁ.
- 1.20
Attadīpavaggo pañcamo.
- 2.0
Tassuddānaṁ
- 2.1
Attadīpā paṭipadā,
- 2.2
Dve ca honti aniccatā;
- 2.3
Samanupassanā khandhā,
- 2.4
Dve soṇā dve nandikkhayena cāti.
- 2.5
Mūlapaṇṇāsako samatto.
- 3.0
Tassa mūlapaṇṇāsakassa vagguddānaṁ
- 3.1
Nakulapitā anicco ca,
- 3.2
Bhāro natumhākena ca;
- 3.3
Attadīpena paññāso,
- 3.4
Paṭhamo tena pavuccatīti.
- แหล่งที่มา
- SuttaCentral · ดึงข้อมูลเมื่อ 2026-08-15 ·
sn22.52 - ฉบับที่ใช้
- Mahāsaṅgīti Tipiṭaka Buddhavasse 2500 — PDM-1.0
- English translation — Bhikkhu Sujato — CC0-1.0
- สิทธิ์การใช้งาน
- สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ