SN 38.5

Assāsappattasutta

The wanderer Jambukhādaka asks Sāriputta about who has attained consolation.

ไทย · ยังไม่เปิดใช้
  1. 0.1

    Saṁyutta Nikāya 38.5

    Linked Discourses 38.5

  2. 0.2

    1. Jambukhādakavagga

    1. With Jambukhādaka

  3. Assāsappattasutta

    Solace

  4. 1.1

    “‘Assāsappatto, assāsappatto’ti, āvuso sāriputta, vuccati.

    “Reverend Sāriputta, they speak of this thing called ‘gaining solace’.

  5. 1.2

    Kittāvatā nu kho, āvuso, assāsappatto hotī”ti?

    At what point do you gain solace?”

  6. 1.3

    “Yato kho, āvuso, bhikkhu channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānāti, ettāvatā kho, āvuso, assāsappatto hotī”ti.

    “When a mendicant truly understands the six fields of contact’s origin, disappearance, gratification, drawback, and escape, at that point they’ve gained solace.”

  7. 1.4

    “Atthi panāvuso, maggo atthi paṭipadā, etassa assāsassa sacchikiriyāyā”ti?

    “But, reverend, is there a path and a practice for realizing this solace?”

  8. 1.5

    “Atthi kho, āvuso, maggo atthi paṭipadā, etassa assāsassa sacchikiriyāyā”ti.

    “There is.” …

  9. 1.6

    “Katamo panāvuso, maggo katamā paṭipadā, etassa assāsassa sacchikiriyāyā”ti?

  10. 1.7

    “Ayameva kho, āvuso, ariyo aṭṭhaṅgiko maggo etassa assāsassa sacchikiriyāya, seyyathidaṁ—

  11. 1.8

    sammādiṭṭhi …pe… sammāsamādhi.

  12. 1.9

    Ayaṁ kho, āvuso, maggo ayaṁ paṭipadā, etassa assāsassa sacchikiriyāyā”ti.

  13. 1.10

    “Bhaddako, āvuso, maggo bhaddikā paṭipadā, etassa assāsassa sacchikiriyāya.

  14. 1.11

    Alañca panāvuso sāriputta, appamādāyā”ti.

  15. 1.12

    Pañcamaṁ.

แหล่งที่มา
SuttaCentral · ดึงข้อมูลเมื่อ 2026-08-15 · sn38.5
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ