Ya 8.2.1

Suddhacittasāmañña

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    8 Cittayamaka

  2. 0.2

    8.2 Niddesa

  3. 8.2.1. Suddhacittasāmañña

  4. 8.2.1.1. Puggalavāra

  5. 8.2.1.1.1. Uppādanirodhakālasambhedavāra

  6. 1.1

    Yassa cittaṁ uppajjati na nirujjhati tassa cittaṁ nirujjhissati na uppajjissatīti?

  7. 2.1

    Pacchimacittassa uppādakkhaṇe tesaṁ cittaṁ uppajjati na nirujjhati, nirujjhissati na uppajjissati. Itaresaṁ cittassa uppādakkhaṇe tesaṁ cittaṁ uppajjati na nirujjhati, nirujjhissati ceva uppajjissati ca.

  8. 3.1

    Yassa vā pana cittaṁ nirujjhissati na uppajjissati tassa cittaṁ uppajjati na nirujjhatīti? Āmantā.

  9. 4.1

    Yassa cittaṁ na uppajjati nirujjhati tassa cittaṁ na nirujjhissati uppajjissatīti? No.

  10. 5.1

    Yassa vā pana cittaṁ na nirujjhissati uppajjissati tassa cittaṁ na uppajjati nirujjhatīti? Natthi.

  11. 8.2.1.1.2. Uppāduppannavāra

  12. 6.1

    Yassa cittaṁ uppajjati tassa cittaṁ uppannanti? Āmantā.

  13. 7.1

    Yassa vā pana cittaṁ uppannaṁ tassa cittaṁ uppajjatīti?

  14. 8.1

    Cittassa bhaṅgakkhaṇe tesaṁ cittaṁ uppannaṁ, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppannañceva uppajjati ca.

  15. 9.1

    Yassa cittaṁ na uppajjati tassa cittaṁ na uppannanti?

  16. 10.1

    Cittassa bhaṅgakkhaṇe tesaṁ cittaṁ na uppajjati, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva uppajjati na ca uppannaṁ.

  17. 11.1

    Yassa vā pana cittaṁ na uppannaṁ tassa cittaṁ na uppajjatīti? Āmantā.

  18. 8.2.1.1.3. Nirodhuppannavāra

  19. 12.1

    Yassa cittaṁ nirujjhati tassa cittaṁ uppannanti? Āmantā.

  20. 13.1

    Yassa vā pana cittaṁ uppannaṁ tassa cittaṁ nirujjhatīti?

  21. 14.1

    Cittassa uppādakkhaṇe tesaṁ cittaṁ uppannaṁ, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ uppannañceva nirujjhati ca.

  22. 15.1

    Yassa cittaṁ na nirujjhati tassa cittaṁ na uppannanti?

  23. 16.1

    Cittassa uppādakkhaṇe tesaṁ cittaṁ na nirujjhati, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva nirujjhati na ca uppannaṁ.

  24. 17.1

    Yassa vā pana cittaṁ na uppannaṁ tassa cittaṁ na nirujjhatīti? Āmantā.

  25. 8.2.1.1.4. Uppādavāra

  26. 18.1

    Yassa cittaṁ uppajjati tassa cittaṁ uppajjitthāti? Āmantā.

  27. 19.1

    Yassa vā pana cittaṁ uppajjittha tassa cittaṁ uppajjatīti?

  28. 20.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ uppajjittha, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppajjittha ceva uppajjati ca.

  29. 21.1

    Yassa cittaṁ na uppajjati tassa cittaṁ na uppajjitthāti? Uppajjittha.

  30. 22.1

    Yassa vā pana cittaṁ na uppajjittha tassa cittaṁ na uppajjatīti? Natthi.

  31. 23.1

    Yassa cittaṁ uppajjati tassa cittaṁ uppajjissatīti?

  32. 24.1

    Pacchimacittassa uppādakkhaṇe tesaṁ cittaṁ uppajjati, no ca tesaṁ cittaṁ uppajjissati. Itaresaṁ cittassa uppādakkhaṇe tesaṁ cittaṁ uppajjati ceva uppajjissati ca.

  33. 25.1

    Yassa vā pana cittaṁ uppajjissati tassa cittaṁ uppajjatīti?

  34. 26.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ uppajjissati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppajjissati ceva uppajjati ca.

  35. 27.1

    Yassa cittaṁ na uppajjati tassa cittaṁ na uppajjissatīti?

  36. 28.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ na uppajjissati. Pacchimacittassa bhaṅgakkhaṇe tesaṁ cittaṁ na ceva uppajjati na ca uppajjissati.

  37. 29.1

    Yassa vā pana cittaṁ na uppajjissati tassa cittaṁ na uppajjatīti?

  38. 30.1

    Pacchimacittassa uppādakkhaṇe tesaṁ cittaṁ na uppajjissati, no ca tesaṁ cittaṁ na uppajjati. Pacchimacittassa bhaṅgakkhaṇe tesaṁ cittaṁ na ceva uppajjissati na ca uppajjati.

  39. 31.1

    Yassa cittaṁ uppajjittha tassa cittaṁ uppajjissatīti?

  40. 32.1

    Pacchimacittasamaṅgīnaṁ tesaṁ cittaṁ uppajjittha, no ca tesaṁ cittaṁ uppajjissati. Itaresaṁ tesaṁ cittaṁ uppajjittha ceva uppajjissati ca.

  41. 33.1

    Yassa vā pana cittaṁ uppajjissati tassa cittaṁ uppajjitthāti? Āmantā.

  42. 34.1

    Yassa cittaṁ na uppajjittha tassa cittaṁ na uppajjissatīti? Natthi.

  43. 35.1

    Yassa vā pana cittaṁ na uppajjissati tassa cittaṁ na uppajjitthāti? Uppajjittha.

  44. 8.2.1.1.5. Nirodhavāra

  45. 36.1

    Yassa cittaṁ nirujjhati tassa cittaṁ nirujjhitthāti? Āmantā.

  46. 37.1

    Yassa vā pana cittaṁ nirujjhittha tassa cittaṁ nirujjhatīti?

  47. 38.1

    Cittassa uppādakkhaṇe nirodhasamāpannānaṁ asaññasattānaṁ tesaṁ cittaṁ nirujjhittha, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ nirujjhittha ceva nirujjhati ca.

  48. 39.1

    Yassa cittaṁ na nirujjhati tassa cittaṁ na nirujjhitthāti? Nirujjhittha.

  49. 40.1

    Yassa vā pana cittaṁ na nirujjhittha tassa cittaṁ na nirujjhatīti? Natthi.

  50. 41.1

    Yassa cittaṁ nirujjhati tassa cittaṁ nirujjhissatīti?

  51. 42.1

    Pacchimacittassa bhaṅgakkhaṇe tesaṁ cittaṁ nirujjhati, no ca tesaṁ cittaṁ nirujjhissati. Itaresaṁ cittassa bhaṅgakkhaṇe tesaṁ cittaṁ nirujjhati ceva nirujjhissati ca.

  52. 43.1

    Yassa vā pana cittaṁ nirujjhissati tassa cittaṁ nirujjhatīti?

  53. 44.1

    Cittassa uppādakkhaṇe nirodhasamāpannānaṁ asaññasattānaṁ tesaṁ cittaṁ nirujjhissati, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ nirujjhissati ceva nirujjhati ca.

  54. 45.1

    Yassa cittaṁ na nirujjhati tassa cittaṁ na nirujjhissatīti? Nirujjhissati.

  55. 46.1

    Yassa vā pana cittaṁ na nirujjhissati tassa cittaṁ na nirujjhatīti? Nirujjhati.

  56. 47.1

    Yassa cittaṁ nirujjhittha tassa cittaṁ nirujjhissatīti?

  57. 48.1

    Pacchimacittassa bhaṅgakkhaṇe tesaṁ cittaṁ nirujjhittha, no ca tesaṁ cittaṁ nirujjhissati. Itaresaṁ tesaṁ cittaṁ nirujjhittha ceva nirujjhissati ca.

  58. 49.1

    Yassa vā pana cittaṁ nirujjhissati tassa cittaṁ nirujjhitthāti? Āmantā.

  59. 50.1

    Yassa cittaṁ na nirujjhittha tassa cittaṁ na nirujjhissatīti? Natthi.

  60. 51.1

    Yassa vā pana cittaṁ na nirujjhissati tassa cittaṁ na nirujjhitthāti? Nirujjhittha.

  61. 8.2.1.1.6. Uppādanirodhavāra

  62. 52.1

    Yassa cittaṁ uppajjati tassa cittaṁ nirujjhitthāti? Āmantā.

  63. 53.1

    Yassa vā pana cittaṁ nirujjhittha tassa cittaṁ uppajjatīti?

  64. 54.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ nirujjhittha, no ca tesaṁ cittaṁ uppajjati. Cittassa uppādakkhaṇe tesaṁ cittaṁ nirujjhittha ceva uppajjati ca.

  65. 55.1

    Yassa cittaṁ na uppajjati tassa cittaṁ na nirujjhitthāti? Nirujjhittha.

  66. 56.1

    Yassa vā pana cittaṁ na nirujjhittha tassa cittaṁ na uppajjatīti? Natthi.

  67. 57.1

    Yassa cittaṁ uppajjati tassa cittaṁ nirujjhissatīti? Āmantā.

  68. 58.1

    Yassa vā pana cittaṁ nirujjhissati tassa cittaṁ uppajjatīti?

  69. 59.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ nirujjhissati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ nirujjhissati ceva uppajjati ca.

  70. 60.1

    Yassa cittaṁ na uppajjati tassa cittaṁ na nirujjhissatīti?

  71. 61.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ na nirujjhissati. Pacchimacittassa bhaṅgakkhaṇe tesaṁ cittaṁ na ceva uppajjati na ca nirujjhissati.

  72. 62.1

    Yassa vā pana cittaṁ na nirujjhissati tassa cittaṁ na uppajjatīti? Āmantā.

  73. 63.1

    Yassa cittaṁ uppajjittha tassa cittaṁ nirujjhissatīti?

  74. 64.1

    Pacchimacittassa bhaṅgakkhaṇe tesaṁ cittaṁ uppajjittha, no ca tesaṁ cittaṁ nirujjhissati. Itaresaṁ tesaṁ cittaṁ uppajjittha ceva nirujjhissati ca.

  75. 65.1

    Yassa vā pana cittaṁ nirujjhissati tassa cittaṁ uppajjitthāti? Āmantā.

  76. 66.1

    Yassa cittaṁ na uppajjittha tassa cittaṁ na nirujjhissatīti? Natthi.

  77. 67.1

    Yassa vā pana cittaṁ na nirujjhissati tassa cittaṁ na uppajjitthāti? Uppajjittha.

  78. 8.2.1.1.7. Uppajjamānananirodhavāra

  79. 68.1

    Yassa cittaṁ uppajjati tassa cittaṁ na nirujjhatīti? Āmantā.

  80. 69.1

    Yassa vā pana cittaṁ na nirujjhati tassa cittaṁ uppajjatīti?

  81. 70.1

    Nirodhasamāpannānaṁ asaññasattānaṁ tesaṁ cittaṁ na nirujjhati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ na nirujjhati ceva uppajjati ca.

  82. 71.1

    Yassa cittaṁ na uppajjati tassa cittaṁ nirujjhatīti?

  83. 72.1

    Nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ na uppajjati ceva nirujjhati ca.

  84. 73.1

    Yassa vā pana cittaṁ nirujjhati tassa cittaṁ na uppajjatīti? Āmantā.

  85. 8.2.1.1.8. Uppajjamānuppannavāra

  86. 74.1

    Yassa cittaṁ uppajjamānaṁ tassa cittaṁ uppannanti? Āmantā.

  87. 75.1

    Yassa vā pana cittaṁ uppannaṁ tassa cittaṁ uppajjamānanti?

  88. 76.1

    Cittassa bhaṅgakkhaṇe tesaṁ cittaṁ uppannaṁ, no ca tesaṁ cittaṁ uppajjamānaṁ. Cittassa uppādakkhaṇe tesaṁ cittaṁ uppannañceva uppajjamānañca.

  89. 77.1

    Yassa cittaṁ na uppajjamānaṁ tassa cittaṁ na uppannanti?

  90. 78.1

    Cittassa bhaṅgakkhaṇe tesaṁ cittaṁ na uppajjamānaṁ, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva uppajjamānaṁ na ca uppannaṁ.

  91. 79.1

    Yassa vā pana cittaṁ na uppannaṁ tassa cittaṁ na uppajjamānanti? Āmantā.

  92. 8.2.1.1.9. Nirujjhamānuppannavāra

  93. 80.1

    Yassa cittaṁ nirujjhamānaṁ tassa cittaṁ uppannanti? Āmantā.

  94. 81.1

    Yassa vā pana cittaṁ uppannaṁ tassa cittaṁ nirujjhamānanti?

  95. 82.1

    Cittassa uppādakkhaṇe tesaṁ cittaṁ uppannaṁ, no ca tesaṁ cittaṁ nirujjhamānaṁ. Cittassa bhaṅgakkhaṇe tesaṁ cittaṁ uppannañceva nirujjhamānañca.

  96. 83.1

    Yassa cittaṁ na nirujjhamānaṁ tassa cittaṁ na uppannanti?

  97. 84.1

    Cittassa uppādakkhaṇe tesaṁ cittaṁ na nirujjhamānaṁ, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva nirujjhamānaṁ na ca uppannaṁ.

  98. 85.1

    Yassa vā pana cittaṁ na uppannaṁ tassa cittaṁ na nirujjhamānanti? Āmantā.

  99. 8.2.1.1.10. Uppannuppādavāra

  100. 86.1

    Yassa cittaṁ uppannaṁ tassa cittaṁ uppajjitthāti? Āmantā.

  101. 87.1

    Yassa vā pana cittaṁ uppajjittha tassa cittaṁ uppannanti?

  102. 88.1

    Nirodhasamāpannānaṁ asaññasattānaṁ tesaṁ cittaṁ uppajjittha, no ca tesaṁ cittaṁ uppannaṁ. Cittasamaṅgīnaṁ tesaṁ cittaṁ uppajjittha ceva uppannañca.

  103. 89.1

    Yassa cittaṁ na uppannaṁ tassa cittaṁ na uppajjitthāti? Uppajjittha.

  104. 90.1

    Yassa vā pana cittaṁ na uppajjittha tassa cittaṁ na uppannanti? Natthi.

  105. 91.1

    Yassa cittaṁ uppannaṁ tassa cittaṁ uppajjissatīti?

  106. 92.1

    Pacchimacittasamaṅgīnaṁ tesaṁ cittaṁ uppannaṁ, no ca tesaṁ cittaṁ uppajjissati. Itaresaṁ cittasamaṅgīnaṁ tesaṁ cittaṁ uppannañceva uppajjissati ca.

  107. 93.1

    Yassa vā pana cittaṁ uppajjissati tassa cittaṁ uppannanti?

  108. 94.1

    Nirodhasamāpannānaṁ asaññasattānaṁ tesaṁ cittaṁ uppajjissati, no ca tesaṁ cittaṁ uppannaṁ. Cittasamaṅgīnaṁ tesaṁ cittaṁ uppajjissati ceva uppannañca.

  109. 95.1

    Yassa cittaṁ na uppannaṁ tassa cittaṁ na uppajjissatīti? Uppajjissati.

  110. 96.1

    Yassa vā pana cittaṁ na uppajjissati tassa cittaṁ na uppannanti? Uppannaṁ.

  111. 8.2.1.1.11. Atītānāgatavāra

  112. 97.1

    Yassa cittaṁ uppajjittha no ca tassa cittaṁ uppannaṁ, tassa cittaṁ uppajjissatīti? Āmantā.

  113. 98.1

    Yassa vā pana cittaṁ uppajjissati no ca tassa cittaṁ uppannaṁ, tassa cittaṁ uppajjitthāti? Āmantā.

  114. 99.1

    Yassa cittaṁ na uppajjittha no ca tassa cittaṁ na uppannaṁ, tassa cittaṁ na uppajjissatīti? Natthi.

  115. 100.1

    Yassa vā pana cittaṁ na uppajjissati no ca tassa cittaṁ na uppannaṁ, tassa cittaṁ na uppajjitthāti? Uppajjittha.

  116. 8.2.1.1.12. Uppannuppajjamānavāra

  117. 101.1

    Uppannaṁ uppajjamānanti?

  118. 102.1

    Bhaṅgakkhaṇe uppannaṁ, no ca uppajjamānaṁ. Uppādakkhaṇe uppannañceva uppajjamānañca.

  119. 103.1

    Uppajjamānaṁ uppannanti? Āmantā.

  120. 104.1

    Na uppannaṁ na uppajjamānanti? Āmantā.

  121. 105.1

    Na uppajjamānaṁ na uppannanti?

  122. 106.1

    Bhaṅgakkhaṇe na uppajjamānaṁ, no ca na uppannaṁ. Atītānāgataṁ cittaṁ na ceva uppajjamānaṁ na ca uppannaṁ.

  123. 8.2.1.1.13. Niruddhanirujjhamānavāra

  124. 107.1

    Niruddhaṁ nirujjhamānanti? No.

  125. 108.1

    Nirujjhamānaṁ niruddhanti? No.

  126. 109.1

    Na niruddhaṁ na nirujjhamānanti?

  127. 110.1

    Bhaṅgakkhaṇe na niruddhaṁ, no ca na nirujjhamānaṁ. Uppādakkhaṇe anāgatañca cittaṁ na ceva niruddhaṁ na ca nirujjhamānaṁ.

  128. 111.1

    Na nirujjhamānaṁ na niruddhanti?

  129. 112.1

    Atītaṁ cittaṁ na nirujjhamānaṁ, no ca na niruddhaṁ. Uppādakkhaṇe anāgatañca cittaṁ na ceva nirujjhamānaṁ na ca niruddhaṁ.

  130. 8.2.1.1.14. Atikkantakālavāra

  131. 113.1

    Yassa cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

  132. 114.1

    Bhaṅgakkhaṇe cittaṁ uppādakkhaṇaṁ vītikkantaṁ bhaṅgakkhaṇaṁ avītikkantaṁ, atītaṁ cittaṁ uppādakkhaṇañca vītikkantaṁ bhaṅgakkhaṇañca vītikkantaṁ.

  133. 115.1

    Yassa vā pana cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

  134. 116.1

    Atītaṁ cittaṁ.

  135. 117.1

    Yassa cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

  136. 118.1

    Uppādakkhaṇe anāgataṁ cittaṁ.

  137. 119.1

    Yassa vā pana cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

  138. 120.1

    Bhaṅgakkhaṇe cittaṁ bhaṅgakkhaṇaṁ avītikkantaṁ no ca uppādakkhaṇaṁ avītikkantaṁ, uppādakkhaṇe anāgatañca cittaṁ bhaṅgakkhaṇañca avītikkantaṁ uppādakkhaṇañca avītikkantaṁ.

  139. 8.2.1.2. Dhammavāra

  140. 8.2.1.2.1. Uppādanirodhakālasambhedavāra

  141. 121.1

    Yaṁ cittaṁ uppajjati na nirujjhati taṁ cittaṁ nirujjhissati na uppajjissatīti? Āmantā.

  142. 122.1

    Yaṁ vā pana cittaṁ nirujjhissati na uppajjissati taṁ cittaṁ uppajjati na nirujjhatīti? Āmantā.

  143. 123.1

    Yaṁ cittaṁ na uppajjati nirujjhati taṁ cittaṁ na nirujjhissati uppajjissatīti? No.

  144. 124.1

    Yaṁ vā pana cittaṁ na nirujjhissati uppajjissati taṁ cittaṁ na uppajjati nirujjhatīti? Natthi.

  145. 8.2.1.2.2. Uppāduppannavāra

  146. 125.1

    Yaṁ cittaṁ uppajjati taṁ cittaṁ uppannanti? Āmantā.

  147. 126.1

    Yaṁ vā pana cittaṁ uppannaṁ taṁ cittaṁ uppajjatīti?

  148. 127.1

    Bhaṅgakkhaṇe cittaṁ uppannaṁ, no ca taṁ cittaṁ uppajjati. Uppādakkhaṇe cittaṁ uppannañceva uppajjati ca.

  149. 128.1

    Yaṁ cittaṁ na uppajjati taṁ cittaṁ na uppannanti?

  150. 129.1

    Bhaṅgakkhaṇe cittaṁ na uppajjati, no ca taṁ cittaṁ na uppannaṁ. Atītānāgataṁ cittaṁ na ceva uppajjati na ca uppannaṁ.

  151. 130.1

    Yaṁ vā pana cittaṁ na uppannaṁ taṁ cittaṁ na uppajjatīti? Āmantā.

  152. 8.2.1.2.3. Nirodhuppannavāra

  153. 131.1

    Yaṁ cittaṁ nirujjhati taṁ cittaṁ uppannanti? Āmantā.

  154. 132.1

    Yaṁ vā pana cittaṁ uppannaṁ taṁ cittaṁ nirujjhatīti?

  155. 133.1

    Uppādakkhaṇe cittaṁ uppannaṁ, no ca taṁ cittaṁ nirujjhati. Bhaṅgakkhaṇe cittaṁ uppannañceva nirujjhati ca.

  156. 134.1

    Yaṁ cittaṁ na nirujjhati taṁ cittaṁ na uppannanti?

  157. 135.1

    Uppādakkhaṇe cittaṁ na nirujjhati, no ca taṁ cittaṁ na uppannaṁ. Atītānāgataṁ cittaṁ na ceva nirujjhati na ca uppannaṁ.

  158. 136.1

    Yaṁ vā pana cittaṁ na uppannaṁ taṁ cittaṁ na nirujjhatīti? Āmantā.

  159. 8.2.1.2.4. Uppādavāra

  160. 137.1

    Yaṁ cittaṁ uppajjati taṁ cittaṁ uppajjitthāti? No.

  161. 138.1

    Yaṁ vā pana cittaṁ uppajjittha taṁ cittaṁ uppajjatīti? No.

  162. 139.1

    Yaṁ cittaṁ na uppajjati taṁ cittaṁ na uppajjitthāti?

  163. 140.1

    Atītaṁ cittaṁ na uppajjati, no ca taṁ cittaṁ na uppajjittha. Bhaṅgakkhaṇe anāgatañca cittaṁ na ceva uppajjati na ca uppajjittha.

  164. 141.1

    Yaṁ vā pana cittaṁ na uppajjittha taṁ cittaṁ na uppajjatīti?

  165. 142.1

    Uppādakkhaṇe cittaṁ na uppajjittha, no ca taṁ cittaṁ na uppajjati. Bhaṅgakkhaṇe anāgatañca cittaṁ na ceva uppajjittha na ca uppajjati.

  166. 143.1

    Yaṁ cittaṁ uppajjati taṁ cittaṁ uppajjissatīti? No.

  167. 144.1

    Yaṁ vā pana cittaṁ uppajjissati taṁ cittaṁ uppajjatīti? No.

  168. 145.1

    Yaṁ cittaṁ na uppajjati taṁ cittaṁ na uppajjissatīti?

  169. 146.1

    Anāgataṁ cittaṁ na uppajjati, no ca taṁ cittaṁ na uppajjissati. Bhaṅgakkhaṇe atītañca cittaṁ na ceva uppajjati na ca uppajjissati.

  170. 147.1

    Yaṁ vā pana cittaṁ na uppajjissati taṁ cittaṁ na uppajjatīti?

  171. 148.1

    Uppādakkhaṇe cittaṁ na uppajjissati, no ca taṁ cittaṁ na uppajjati. Bhaṅgakkhaṇe atītañca cittaṁ na ceva uppajjissati na ca uppajjati.

  172. 149.1

    Yaṁ cittaṁ uppajjittha taṁ cittaṁ uppajjissatīti? No.

  173. 150.1

    Yaṁ vā pana cittaṁ uppajjissati taṁ cittaṁ uppajjitthāti? No.

  174. 151.1

    Yaṁ cittaṁ na uppajjittha taṁ cittaṁ na uppajjissatīti?

  175. 152.1

    Anāgataṁ cittaṁ na uppajjittha, no ca taṁ cittaṁ na uppajjissati. Paccuppannaṁ cittaṁ na ceva uppajjittha na ca uppajjissati.

  176. 153.1

    Yaṁ vā pana cittaṁ na uppajjissati taṁ cittaṁ na uppajjitthāti?

  177. 154.1

    Atītaṁ cittaṁ na uppajjissati, no ca taṁ cittaṁ na uppajjittha. Paccuppannaṁ cittaṁ na ceva uppajjissati na ca uppajjittha.

  178. 8.2.1.2.5. Nirodhavāra

  179. 155.1

    Yaṁ cittaṁ nirujjhati taṁ cittaṁ nirujjhitthāti? No.

  180. 156.1

    Yaṁ vā pana cittaṁ nirujjhittha taṁ cittaṁ nirujjhatīti? No.

  181. 157.1

    Yaṁ cittaṁ na nirujjhati taṁ cittaṁ na nirujjhitthāti?

  182. 158.1

    Atītaṁ cittaṁ na nirujjhati, no ca taṁ cittaṁ na nirujjhittha. Uppādakkhaṇe anāgatañca cittaṁ na ceva nirujjhati na ca nirujjhittha.

  183. 159.1

    Yaṁ vā pana cittaṁ na nirujjhittha taṁ cittaṁ na nirujjhatīti?

  184. 160.1

    Bhaṅgakkhaṇe cittaṁ na nirujjhittha, no ca taṁ cittaṁ na nirujjhati. Uppādakkhaṇe anāgatañca cittaṁ na ceva nirujjhittha na ca nirujjhati.

  185. 161.1

    Yaṁ cittaṁ nirujjhati taṁ cittaṁ nirujjhissatīti? No.

  186. 162.1

    Yaṁ vā pana cittaṁ nirujjhissati taṁ cittaṁ nirujjhatīti? No.

  187. 163.1

    Yaṁ cittaṁ na nirujjhati taṁ cittaṁ na nirujjhissatīti?

  188. 164.1

    Uppādakkhaṇe anāgatañca cittaṁ na nirujjhati, no ca taṁ cittaṁ na nirujjhissati. Atītaṁ cittaṁ na ceva nirujjhati na ca nirujjhissati.

  189. 165.1

    Yaṁ vā pana cittaṁ na nirujjhissati taṁ cittaṁ na nirujjhatīti?

  190. 166.1

    Bhaṅgakkhaṇe cittaṁ na nirujjhissati, no ca taṁ cittaṁ na nirujjhati. Atītaṁ cittaṁ na ceva nirujjhissati na ca nirujjhati.

  191. 167.1

    Yaṁ cittaṁ nirujjhittha taṁ cittaṁ nirujjhissatīti? No.

  192. 168.1

    Yaṁ vā pana cittaṁ nirujjhissati taṁ cittaṁ nirujjhitthāti? No.

  193. 169.1

    Yaṁ cittaṁ na nirujjhittha taṁ cittaṁ na nirujjhissatīti?

  194. 170.1

    Uppādakkhaṇe anāgatañca cittaṁ na nirujjhittha, no ca taṁ cittaṁ na nirujjhissati. Bhaṅgakkhaṇe cittaṁ na ceva nirujjhittha na ca nirujjhissati.

  195. 171.1

    Yaṁ vā pana cittaṁ na nirujjhissati taṁ cittaṁ na nirujjhitthāti?

  196. 172.1

    Atītaṁ cittaṁ na nirujjhissati, no ca taṁ cittaṁ na nirujjhittha. Bhaṅgakkhaṇe cittaṁ na ceva nirujjhissati na ca nirujjhittha.

  197. 8.2.1.2.6. Uppādanirodhavāra

  198. 173.1

    Yaṁ cittaṁ uppajjati taṁ cittaṁ nirujjhitthāti? No.

  199. 174.1

    Yaṁ vā pana cittaṁ nirujjhittha taṁ cittaṁ uppajjatīti? No.

  200. 175.1

    Yaṁ cittaṁ na uppajjati taṁ cittaṁ na nirujjhitthāti?

  201. 176.1

    Atītaṁ cittaṁ na uppajjati, no ca taṁ cittaṁ na nirujjhittha. Bhaṅgakkhaṇe anāgatañca cittaṁ na ceva uppajjati na ca nirujjhittha.

  202. 177.1

    Yaṁ vā pana cittaṁ na nirujjhittha taṁ cittaṁ na uppajjatīti?

  203. 178.1

    Uppādakkhaṇe cittaṁ na nirujjhittha, no ca taṁ cittaṁ na uppajjati. Bhaṅgakkhaṇe anāgatañca cittaṁ na ceva nirujjhittha na ca uppajjati.

  204. 179.1

    Yaṁ cittaṁ uppajjati taṁ cittaṁ nirujjhissatīti? Āmantā.

  205. 180.1

    Yaṁ vā pana cittaṁ nirujjhissati taṁ cittaṁ uppajjatīti?

  206. 181.1

    Anāgataṁ cittaṁ nirujjhissati, no ca taṁ cittaṁ uppajjati. Uppādakkhaṇe cittaṁ nirujjhissati ceva uppajjati ca.

  207. 182.1

    Yaṁ cittaṁ na uppajjati taṁ cittaṁ na nirujjhissatīti?

  208. 183.1

    Anāgataṁ cittaṁ na uppajjati, no ca taṁ cittaṁ na nirujjhissati. Bhaṅgakkhaṇe atītañca cittaṁ na ceva uppajjati na ca nirujjhissati.

  209. 184.1

    Yaṁ vā pana cittaṁ na nirujjhissati taṁ cittaṁ na uppajjatīti? Āmantā.

  210. 185.1

    Yaṁ cittaṁ uppajjittha taṁ cittaṁ nirujjhissatīti? No.

  211. 186.1

    Yaṁ vā pana cittaṁ nirujjhissati taṁ cittaṁ uppajjitthāti? No.

  212. 187.1

    Yaṁ cittaṁ na uppajjittha taṁ cittaṁ na nirujjhissatīti?

  213. 188.1

    Uppādakkhaṇe anāgatañca cittaṁ na uppajjittha, no ca taṁ cittaṁ na nirujjhissati. Bhaṅgakkhaṇe cittaṁ na ceva uppajjittha na ca nirujjhissati.

  214. 189.1

    Yaṁ vā pana cittaṁ na nirujjhissati taṁ cittaṁ na uppajjitthāti?

  215. 190.1

    Atītaṁ cittaṁ na nirujjhissati, no ca taṁ cittaṁ na uppajjittha. Bhaṅgakkhaṇe cittaṁ na ceva nirujjhissati na ca uppajjittha.

  216. 8.2.1.2.7. Uppajjamānananirodhavāra

  217. 191.1

    Yaṁ cittaṁ uppajjati taṁ cittaṁ na nirujjhatīti? Āmantā.

  218. 192.1

    Yaṁ vā pana cittaṁ na nirujjhati taṁ cittaṁ uppajjatīti?

  219. 193.1

    Atītānāgataṁ cittaṁ na nirujjhati, no ca taṁ cittaṁ uppajjati. Uppādakkhaṇe cittaṁ na nirujjhati ceva uppajjati ca.

  220. 194.1

    Yaṁ cittaṁ na uppajjati taṁ cittaṁ nirujjhatīti?

  221. 195.1

    Atītānāgataṁ cittaṁ na uppajjati, no ca taṁ cittaṁ nirujjhati. Bhaṅgakkhaṇe cittaṁ na uppajjati ceva nirujjhati ca.

  222. 196.1

    Yaṁ vā pana cittaṁ nirujjhati taṁ cittaṁ na uppajjatīti? Āmantā.

  223. 8.2.1.2.8. Uppajjamānuppannavāra

  224. 197.1

    Yaṁ cittaṁ uppajjamānaṁ taṁ cittaṁ uppannanti? Āmantā.

  225. 198.1

    Yaṁ vā pana cittaṁ uppannaṁ taṁ cittaṁ uppajjamānanti?

  226. 199.1

    Bhaṅgakkhaṇe cittaṁ uppannaṁ, no ca taṁ cittaṁ uppajjamānaṁ. Uppādakkhaṇe cittaṁ uppannañceva uppajjamānañca.

  227. 200.1

    Yaṁ cittaṁ na uppajjamānaṁ taṁ cittaṁ na uppannanti?

  228. 201.1

    Bhaṅgakkhaṇe cittaṁ na uppajjamānaṁ, no ca taṁ cittaṁ na uppannaṁ. Atītānāgataṁ cittaṁ na ceva uppajjamānaṁ na ca uppannaṁ.

  229. 202.1

    Yaṁ vā pana cittaṁ na uppannaṁ taṁ cittaṁ na uppajjamānanti? Āmantā.

  230. 8.2.1.2.9. Nirujjhamānuppannavāra

  231. 203.1

    Yaṁ cittaṁ nirujjhamānaṁ taṁ cittaṁ uppannanti? Āmantā.

  232. 204.1

    Yaṁ vā pana cittaṁ uppannaṁ taṁ cittaṁ nirujjhamānanti?

  233. 205.1

    Uppādakkhaṇe cittaṁ uppannaṁ, no ca taṁ cittaṁ nirujjhamānaṁ. Bhaṅgakkhaṇe cittaṁ uppannañceva nirujjhamānañca.

  234. 206.1

    Yaṁ cittaṁ na nirujjhamānaṁ taṁ cittaṁ na uppannanti?

  235. 207.1

    Uppādakkhaṇe cittaṁ na nirujjhamānaṁ, no ca taṁ cittaṁ na uppannaṁ. Atītānāgataṁ cittaṁ na ceva nirujjhamānaṁ na ca uppannaṁ.

  236. 208.1

    Yaṁ vā pana cittaṁ na uppannaṁ taṁ cittaṁ na nirujjhamānanti? Āmantā.

  237. 8.2.1.2.10. Uppannuppādavāra

  238. 209.1

    Yaṁ cittaṁ uppannaṁ taṁ cittaṁ uppajjitthāti? No.

  239. 210.1

    Yaṁ vā pana cittaṁ uppajjittha taṁ cittaṁ uppannanti? No.

  240. 211.1

    Yaṁ cittaṁ na uppannaṁ taṁ cittaṁ na uppajjitthāti?

  241. 212.1

    Atītaṁ cittaṁ na uppannaṁ, no ca taṁ cittaṁ na uppajjittha. Anāgataṁ cittaṁ na ceva uppannaṁ na ca uppajjittha.

  242. 213.1

    Yaṁ vā pana cittaṁ na uppajjittha taṁ cittaṁ na uppannanti?

  243. 214.1

    Paccuppannaṁ cittaṁ na uppajjittha, no ca taṁ cittaṁ na uppannaṁ. Anāgataṁ cittaṁ na ceva uppajjittha na ca uppannaṁ.

  244. 215.1

    Yaṁ cittaṁ uppannaṁ taṁ cittaṁ uppajjissatīti? No.

  245. 216.1

    Yaṁ vā pana cittaṁ uppajjissati taṁ cittaṁ uppannanti? No.

  246. 217.1

    Yaṁ cittaṁ na uppannaṁ taṁ cittaṁ na uppajjissatīti?

  247. 218.1

    Anāgataṁ cittaṁ na uppannaṁ, no ca taṁ cittaṁ na uppajjissati. Atītaṁ cittaṁ na ceva uppannaṁ na ca uppajjissati.

  248. 219.1

    Yaṁ vā pana cittaṁ na uppajjissati taṁ cittaṁ na uppannanti?

  249. 220.1

    Paccuppannaṁ cittaṁ na uppajjissati, no ca taṁ cittaṁ na uppannaṁ. Atītaṁ cittaṁ na ceva uppajjissati na ca uppannaṁ.

  250. 8.2.1.2.11. Atītānāgatavāra

  251. 221.1

    Yaṁ cittaṁ uppajjittha no ca taṁ cittaṁ uppannaṁ, taṁ cittaṁ uppajjissatīti? No.

  252. 222.1

    Yaṁ vā pana cittaṁ uppajjissati no ca taṁ cittaṁ uppannaṁ, taṁ cittaṁ uppajjitthāti? No.

  253. 223.1

    Yaṁ cittaṁ na uppajjittha no ca taṁ cittaṁ na uppannaṁ, taṁ cittaṁ na uppajjissatīti? Āmantā.

  254. 224.1

    Yaṁ vā pana cittaṁ na uppajjissati no ca taṁ cittaṁ na uppannaṁ, taṁ cittaṁ na uppajjitthāti? Āmantā.

  255. 8.2.1.2.12. Uppannuppajjamānavāra

  256. 225.1

    Uppannaṁ uppajjamānanti?

  257. 226.1

    Bhaṅgakkhaṇe uppannaṁ, no ca uppajjamānaṁ. Uppādakkhaṇe uppannañceva uppajjamānañca.

  258. 227.1

    Uppajjamānaṁ uppannanti? Āmantā.

  259. 228.1

    Na uppannaṁ na uppajjamānanti? Āmantā.

  260. 229.1

    Na uppajjamānaṁ na uppannanti?

  261. 230.1

    Bhaṅgakkhaṇe na uppajjamānaṁ, no ca na uppannaṁ. Atītānāgataṁ cittaṁ na ceva uppajjamānaṁ na ca uppannaṁ.

  262. 8.2.1.2.13. Niruddhanirujjhamānavāra

  263. 231.1

    Niruddhaṁ nirujjhamānanti? No.

  264. 232.1

    Nirujjhamānaṁ niruddhanti? No.

  265. 233.1

    Na niruddhaṁ na nirujjhamānanti?

  266. 234.1

    Bhaṅgakkhaṇe na niruddhaṁ, no ca na nirujjhamānaṁ. Uppādakkhaṇe anāgatañca cittaṁ na ceva niruddhaṁ na ca nirujjhamānaṁ.

  267. 235.1

    Na nirujjhamānaṁ na niruddhanti?

  268. 236.1

    Atītaṁ cittaṁ na nirujjhamānaṁ, no ca na niruddhaṁ. Uppādakkhaṇe anāgatañca cittaṁ na ceva nirujjhamānaṁ na ca niruddhaṁ.

  269. 8.2.1.2.14. Atikkantakālavāra

  270. 237.1

    Yaṁ cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ taṁ cittanti?

  271. 238.1

    Bhaṅgakkhaṇe cittaṁ uppādakkhaṇaṁ vītikkantaṁ bhaṅgakkhaṇaṁ avītikkantaṁ, atītaṁ cittaṁ uppādakkhaṇañca vītikkantaṁ bhaṅgakkhaṇañca vītikkantaṁ.

  272. 239.1

    Yaṁ vā pana cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ taṁ cittanti? Atītaṁ cittaṁ.

  273. 240.1

    Yaṁ cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ taṁ cittanti?

  274. 241.1

    Uppādakkhaṇe anāgataṁ cittaṁ.

  275. 242.1

    Yaṁ vā pana cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ taṁ cittanti?

  276. 243.1

    Bhaṅgakkhaṇe cittaṁ bhaṅgakkhaṇaṁ avītikkantaṁ no ca uppādakkhaṇaṁ avītikkantaṁ, uppādakkhaṇe anāgatañca cittaṁ bhaṅgakkhaṇañca avītikkantaṁ uppādakkhaṇañca avītikkantaṁ.

  277. 8.2.1.3. Puggaladhammavāra

  278. 8.2.1.3.1. Uppādanirodhakālasambhedavāra

  279. 244.1

    Yassa yaṁ cittaṁ uppajjati na nirujjhati tassa taṁ cittaṁ nirujjhissati na uppajjissatīti? Āmantā.

  280. 245.1

    Yassa vā pana yaṁ cittaṁ nirujjhissati na uppajjissati tassa taṁ cittaṁ uppajjati na nirujjhatīti? Āmantā.

  281. 246.1

    Yassa yaṁ cittaṁ na uppajjati nirujjhati tassa taṁ cittaṁ na nirujjhissati uppajjissatīti? No.

  282. 247.1

    Yassa vā pana yaṁ cittaṁ na nirujjhissati uppajjissati tassa taṁ cittaṁ na uppajjati nirujjhatīti? Natthi.

  283. 8.2.1.3.2. Uppāduppannavāra

  284. 248.1

    Yassa yaṁ cittaṁ uppajjati tassa taṁ cittaṁ uppannanti? Āmantā.

  285. 249.1

    Yassa vā pana yaṁ cittaṁ uppannaṁ tassa taṁ cittaṁ uppajjatīti?

  286. 250.1

    Bhaṅgakkhaṇe cittaṁ uppannaṁ, no ca tassa taṁ cittaṁ uppajjati. Uppādakkhaṇe cittaṁ uppannañceva uppajjati ca.

  287. 251.1

    Yassa yaṁ cittaṁ na uppajjati tassa taṁ cittaṁ na uppannanti?

  288. 252.1

    Bhaṅgakkhaṇe cittaṁ na uppajjati, no ca tassa taṁ cittaṁ na uppannaṁ. Atītānāgataṁ cittaṁ na ceva uppajjati na ca uppannaṁ.

  289. 253.1

    Yassa vā pana yaṁ cittaṁ na uppannaṁ tassa taṁ cittaṁ na uppajjatīti? Āmantā.

  290. 8.2.1.3.3. Nirodhuppannavāra

  291. 254.1

    Yassa yaṁ cittaṁ nirujjhati tassa taṁ cittaṁ uppannanti? Āmantā.

  292. 255.1

    Yassa vā pana yaṁ cittaṁ uppannaṁ tassa taṁ cittaṁ nirujjhatīti?

  293. 256.1

    Uppādakkhaṇe cittaṁ uppannaṁ, no ca tassa taṁ cittaṁ nirujjhati. Bhaṅgakkhaṇe cittaṁ uppannañceva nirujjhati ca.

  294. 257.1

    Yassa yaṁ cittaṁ na nirujjhati tassa taṁ cittaṁ na uppannanti?

  295. 258.1

    Uppādakkhaṇe cittaṁ na nirujjhati, no ca tassa taṁ cittaṁ na uppannaṁ. Atītānāgataṁ cittaṁ na ceva nirujjhati na ca uppannaṁ.

  296. 259.1

    Yassa vā pana yaṁ cittaṁ na uppannaṁ tassa taṁ cittaṁ na nirujjhatīti? Āmantā.

  297. 8.2.1.3.4. Uppādavāra

  298. 260.1

    Yassa yaṁ cittaṁ uppajjati tassa taṁ cittaṁ uppajjitthāti? No.

  299. 261.1

    Yassa vā pana yaṁ cittaṁ uppajjittha tassa taṁ cittaṁ uppajjatīti? No.

  300. 262.1

    Yassa yaṁ cittaṁ na uppajjati tassa taṁ cittaṁ na uppajjitthāti?

  301. 263.1

    Atītaṁ cittaṁ na uppajjati, no ca tassa taṁ cittaṁ na uppajjittha. Bhaṅgakkhaṇe anāgatañca cittaṁ na ceva uppajjati na ca uppajjittha.

  302. 264.1

    Yassa vā pana yaṁ cittaṁ na uppajjittha tassa taṁ cittaṁ na uppajjatīti?

  303. 265.1

    Uppādakkhaṇe cittaṁ na uppajjittha, no ca tassa taṁ cittaṁ na uppajjati. Bhaṅgakkhaṇe anāgatañca cittaṁ na ceva uppajjittha na ca uppajjati.

  304. 266.1

    Yassa yaṁ cittaṁ uppajjati tassa taṁ cittaṁ uppajjissatīti? No.

  305. 267.1

    Yassa vā pana yaṁ cittaṁ uppajjissati tassa taṁ cittaṁ uppajjatīti? No.

  306. 268.1

    Yassa yaṁ cittaṁ na uppajjati tassa taṁ cittaṁ na uppajjissatīti?

  307. 269.1

    Anāgataṁ cittaṁ na uppajjati, no ca tassa taṁ cittaṁ na uppajjissati. Bhaṅgakkhaṇe atītañca cittaṁ na ceva uppajjati na ca uppajjissati.

  308. 270.1

    Yassa vā pana yaṁ cittaṁ na uppajjissati tassa taṁ cittaṁ na uppajjatīti?

  309. 271.1

    Uppādakkhaṇe cittaṁ na uppajjissati, no ca tassa taṁ cittaṁ na uppajjati. Bhaṅgakkhaṇe atītañca cittaṁ na ceva uppajjissati na ca uppajjati.

  310. 272.1

    Yassa yaṁ cittaṁ uppajjittha tassa taṁ cittaṁ uppajjissatīti? No.

  311. 273.1

    Yassa vā pana yaṁ cittaṁ uppajjissati tassa taṁ cittaṁ uppajjitthāti? No.

  312. 274.1

    Yassa yaṁ cittaṁ na uppajjittha tassa taṁ cittaṁ na uppajjissatīti?

  313. 275.1

    Anāgataṁ cittaṁ na uppajjittha, no ca tassa taṁ cittaṁ na uppajjissati. Paccuppannaṁ cittaṁ na ceva uppajjittha na ca uppajjissati.

  314. 276.1

    Yassa vā pana yaṁ cittaṁ na uppajjissati tassa taṁ cittaṁ na uppajjitthāti?

  315. 277.1

    Atītaṁ cittaṁ na uppajjissati, no ca tassa taṁ cittaṁ na uppajjittha. Paccuppannaṁ cittaṁ na ceva uppajjissati na ca uppajjittha.

  316. 8.2.1.3.5. Nirodhavāra

  317. 278.1

    Yassa yaṁ cittaṁ nirujjhati tassa taṁ cittaṁ nirujjhitthāti? No.

  318. 279.1

    Yassa vā pana yaṁ cittaṁ nirujjhittha tassa taṁ cittaṁ nirujjhatīti? No.

  319. 280.1

    Yassa yaṁ cittaṁ na nirujjhati tassa taṁ cittaṁ na nirujjhitthāti?

  320. 281.1

    Atītaṁ cittaṁ na nirujjhati, no ca tassa taṁ cittaṁ na nirujjhittha. Uppādakkhaṇe anāgatañca cittaṁ na ceva nirujjhati na ca nirujjhittha.

  321. 282.1

    Yassa vā pana yaṁ cittaṁ na nirujjhittha tassa taṁ cittaṁ na nirujjhatīti?

  322. 283.1

    Bhaṅgakkhaṇe cittaṁ na nirujjhittha, no ca tassa taṁ cittaṁ na nirujjhati. Uppādakkhaṇe anāgatañca cittaṁ na ceva nirujjhittha na ca nirujjhati.

  323. 284.1

    Yassa yaṁ cittaṁ nirujjhati tassa taṁ cittaṁ nirujjhissatīti? No.

  324. 285.1

    Yassa vā pana yaṁ cittaṁ nirujjhissati tassa taṁ cittaṁ nirujjhatīti? No.

  325. 286.1

    Yassa yaṁ cittaṁ na nirujjhati tassa taṁ cittaṁ na nirujjhissatīti?

  326. 287.1

    Uppādakkhaṇe anāgatañca cittaṁ na nirujjhati, no ca tassa taṁ cittaṁ na nirujjhissati. Atītaṁ cittaṁ na ceva nirujjhati na ca nirujjhissati.

  327. 288.1

    Yassa vā pana yaṁ cittaṁ na nirujjhissati tassa taṁ cittaṁ na nirujjhatīti?

  328. 289.1

    Bhaṅgakkhaṇe cittaṁ na nirujjhissati, no ca tassa taṁ cittaṁ na nirujjhati. Atītaṁ cittaṁ na ceva nirujjhissati na ca nirujjhati.

  329. 290.1

    Yassa yaṁ cittaṁ nirujjhittha tassa taṁ cittaṁ nirujjhissatīti? No.

  330. 291.1

    Yassa vā pana yaṁ cittaṁ nirujjhissati tassa taṁ cittaṁ nirujjhitthāti? No.

  331. 292.1

    Yassa yaṁ cittaṁ na nirujjhittha tassa taṁ cittaṁ na nirujjhissatīti?

  332. 293.1

    Uppādakkhaṇe anāgatañca cittaṁ na nirujjhittha, no ca tassa taṁ cittaṁ na nirujjhissati. Bhaṅgakkhaṇe cittaṁ na ceva nirujjhittha na ca nirujjhissati.

  333. 294.1

    Yassa vā pana yaṁ cittaṁ na nirujjhissati tassa taṁ cittaṁ na nirujjhitthāti?

  334. 295.1

    Atītaṁ cittaṁ na nirujjhissati, no ca tassa taṁ cittaṁ na nirujjhittha. Bhaṅgakkhaṇe cittaṁ na ceva nirujjhissati na ca nirujjhittha.

  335. 296.1

    (Yassa cittake sakabhāvena niddiṭṭhe, yaṁ cittake ca yassa yaṁ cittake ca ekattena niddiṭṭhe.)

แหล่งที่มา
SuttaCentral · ดึงข้อมูลเมื่อ 2026-08-15 · ya8.2.1
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ
ฉบับที่ยังไม่เปิดใช้
พระไตรปิฎกภาษาไทย ฉบับหลวง — ยังไม่ยืนยันสิทธิ์ — ยังไม่เผยแพร่ตัวบท