วรรคที่ ๕

๑๕๐เอตทคฺคํ ภิกฺขเว มม สาวิกานํ ภิกฺขุนีนํ รตฺตญฺญูนํ ยทิทํ มหาปชาปตี โคตมี ฯ มหาปญฺญานํ ยทิทํ เขมา ฯ อิทฺธิมนฺตานํ ยทิทํ อุปฺปลวณฺณา ฯ วินยธรานํ ยทิทํ ปฏาจารา ฯ ธมฺมกถิกานํ ยทิทํ ธมฺมทินฺนา ฯ ฌายีนํ ยทิทํ นนฺทา ฯ อารทฺธวิริยานํ ยทิทํ โสณา ฯ ทิพฺพจกฺขุกานํ ยทิทํ สกุลา ฯ ขิปฺปาภิญฺญานํ ยทิทํ ภทฺทา กุณฺฑลเกสา ฯ ปุพฺเพนิวาสํ อนุสฺสรนฺตีนํ ยทิทํ ภทฺทา กปิลานี ฯ มหาภิญฺญปฺปตฺตานํ ยทิทํ ภทฺทา กจฺจานา ฯ ลูขจีวรธรานํ ยทิทํ กิสาโคตมี ฯ สทฺธาธิมุตฺตานํ ยทิทํ สิคาลมาตาติ ฯ วคฺโค ปญฺจโม ฯ