ปทโสธนวาร

๓๒รูปํ รูปกฺขนฺโธติ: ปิยรูปํ สาตรูปํ รูปํ น รูปกฺขนฺโธ รูปกฺขนฺโธ รูปญฺเจว รูปกฺขนฺโธ จ ฯ รูปกฺขนฺโธ รูปนฺติ: อามนฺตา ฯ

๓๓เวทนา เวทนากฺขนฺโธติ: อามนฺตา ฯ เวทนากฺขนฺโธ เวทนาติ: อามนฺตา ฯ

๓๔สญฺญา สญฺญากฺขนฺโธติ: ทิฏฺฐสญฺญา สญฺญา น สญฺญากฺขนฺโธ สญฺญากฺขนฺโธ สญฺญากฺขนฺโธ สญฺญา เจว สญฺญากฺขนฺโธ จ ฯ สญฺญากฺขนฺโธ สญฺญาติ: อามนฺตา ฯ

๓๕สงฺขารา สงฺขารกฺขนฺโธติ: สงฺขารกฺขนฺธํ ฐเปตฺวา อวเสสา สงฺขารา สงฺขารา น สงฺขารกฺขนฺโธ สงฺขารกฺขนฺโธ สงฺขารา เจว สงฺขารกฺขนฺโธ จ ฯ สงฺขารกฺขนฺโธ สงฺขาราติ: อามนฺตา ฯ

๓๖วิญฺญาณํ วิญฺญาณกฺขนฺโธติ: อามนฺตา ฯ วิญฺญาณกฺขนฺโธ วิญฺญาณนฺติ: อามนฺตา ฯ

๓๗น รูปํ น รูปกฺขนฺโธติ: อามนฺตา ฯ น รูปกฺขนฺโธ น รูปนฺติ: ปิยรูปํ สาตรูปํ น รูปกฺขนฺโธ รูปํ รูปญฺจ รูปกฺขนฺธญฺจ ฐเปตฺวา อวเสสา น เจว รูปํ น จ รูปกฺขนฺโธ ฯ

๓๘น เวทนา น เวทนากฺขนฺโธติ: อามนฺตา ฯ น เวทนากฺขนฺโธ น เวทนาติ: อามนฺตา ฯ

๓๙น สญฺญา น สญฺญากฺขนฺโธติ: อามนฺตา ฯ น สญฺญากฺขนฺโธ น สญฺญาติ: ทิฏฺฐิสญฺญา น สญฺญากฺขนฺโธ สญฺญา สญฺญญฺจ สญฺญากฺขนฺธญฺจ ฐเปตฺวา อวเสสา น เจว สญฺญา น จ สญฺญากฺขนฺโธ ฯ

๔๐น สงฺขารา น สงฺขารกฺขนฺโธติ: อามนฺตา ฯ น สงฺขารกฺขนฺโธ น สงฺขาราติ: สงฺขารกฺขนฺธํ ฐเปตฺวา อวเสสา สงฺขารา น สงฺขารกฺขนฺโธ สงฺขารา สงฺขาเร จ สงฺขารกฺขนฺธญฺจ ฐเปตฺวา อวเสสา น เจว สงฺขารา น จ สงฺขารกฺขนฺโธ ฯ

๔๑น วิญฺญาณํ น วิญฺญาณกฺขนฺโธติ: อามนฺตา ฯ น วิญฺญาณกฺขนฺโธ น วิญฺญาณนฺติ: อามนฺตา ฯ ---------