วรรคที่ ๓

๑๔๘เอตทคฺคํ ภิกฺขเว มม สาวกานํ ภิกฺขูนํ สิกฺขากามานํ ยทิทํ ราหุโล ฯ สทฺธาปพฺพชิตานํ ยทิทํ รฏฺฐปาโล ฯ ปฐมํ สลากํ คณฺหนฺตานํ ยทิทํ กุณฺฑธาโน ฯ ปฏิภาณวนฺตานํ ยทิทํ วงฺคีโส ฯ สมนฺตปาสาทิกานํ ยทิทํ อุปเสโน วงฺคนฺตปุตฺโต ฯ เสนาสนปญฺญาปกานํ ยทิทํ ทพฺโพ มลฺลปุตฺโต ฯ เทวตานํ ปิยมนาปานํ ยทิทํ ปิลินฺทวจฺโฉ ฯ ขิปฺปาภิญฺญานํ ยทิทํ พาหิโย ทารุจีริโย ฯ จิตฺตกถิกานํ ยทิทํ กุมารกสฺสโป ฯ ปฏิสมฺภิทปฺปตฺตานํ ยทิทํ มหาโกฏฺฐิโตติ ฯ วคฺโค ตติโย ฯ