Scripture · พระสุตตันตปิฎก · Other items in this volumeเล่ม ๒๐ · อังคุตตรนิกาย เอก-ทุก-ติกนิบาต
ปฏิจฉันนสูตร
พระไตรปิฎกภาษาไทย ฉบับหลวง · Public domain (term expired) — operator determination
๕๗๑๑๓๒ ตีณีมานิ ภิกฺขเว ปฏิจฺฉนฺนานิ วหนฺติ โน วิวฏานิ กตมานิ ตีณิ มาตุคาโม ภิกฺขเว ปฏิจฺฉนฺโน วหติ โน วิวโฏ พฺราหฺมณานํ ภิกฺขเว มนฺตา ปฏิจฺฉนฺนา วหนฺติ โน วิวฏา มิจฺฉาทิฏฺฐิ ภิกฺขเว ปฏิจฺฉนฺนา วหติ โน วิวฏา อิมานิ โข ภิกฺขเว ตีณิ ปฏิจฺฉนฺนานิ วหนฺติ โน วิวฏานิ ฯ ตีณีมานิ ภิกฺขเว วิวฏานิ วิโรจนฺติ โน ปฏิจฺฉนฺนานิ กตมานิ ตีณิ จนฺทมณฺฑลํ ภิกฺขเว วิวฏํ วิโรจติ โน ปฏิจฺฉนฺนํ สุริยมณฺฑลํ ภิกฺขเว วิวฏํ วิโรจติ โน ปฏิจฺฉนฺนํ ตถาคตปฺปเวทิโต ธมฺมวินโย ภิกฺขเว วิวโฏ วิโรจติ โน ปฏิจฺฉนฺโน อิมานิ โข ภิกฺขเว ตีณิ วิวฏานิ วิโรจนฺติ โน ปฏิจฺฉนฺนานีติ ฯ