คลังนี้ตอบแบบ “อ่านตัวบท · ไม่ตีความ” — ระบบแสดงตัวบทตามแต่ละฉบับให้เรียงเทียบกัน และไม่สรุป ไม่ตีความ ไม่ให้คะแนนความน่าเชื่อถือ
พระไตรปิฎกภาษาไทย ฉบับหลวง · Public domain (term expired) — operator determination
อฏฺฐมํ มคฺคสญฺญกตฺเถราปทานํ (๑๑๘)
๑๒๐|๑๒๐.๖๖| ปทุมุตฺตรพุทฺธสฺส สาวกา วนจาริโน วิปฺปนฏฺฐา พฺรหารญฺเญ อนฺธาว อนุสุยฺยเร ฯ |๑๒๐.๖๗| อนุสฺสริตฺวา สมฺพุทฺธํ ปทุมุตฺตรนายกํ ตสฺส เต มุนิโน ปุตฺตา วิปฺปนฏฺฐา มหาวเน ฯ |๑๒๐.๖๘| ภวนา โอรุหิตฺวาน อาคมึ ภิกฺขุสนฺติเก เตสํ มคฺคญฺจ อาจิกฺขึ โภชนญฺจ อทาสหํ ฯ |๑๒๐.๖๙| เตน กมฺเมน ทิปทินฺท โลกเชฏฺฐ นราสภ ชาติยา สตฺตวสฺเสน อรหตฺตํ อปาปุณึ ฯ |๑๒๐.๗๐| สจกฺขุ นาม นาเมน ทฺวาทส จกฺกวตฺติโน สตฺตรตนสมฺปนฺนา ปญฺจกปฺปสเต อิโต ฯ |๑๒๐.๗๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มคฺคสญฺญโก เถโร อิมา คาถาโย อภาสิตฺถาติ ฯ มคฺคสญฺญกตฺเถรสฺส อปทานํ สมตฺตํ ฯ