๕. สัตตปาฏลิยเถราปทาน (๒๕๕)

๒๕๗|๒๕๗.๑๗| กณิการํว โชตนฺตํ นิสินฺนํ ปพฺพตนฺตเร สตฺต ปาฏลิปุปฺผานิ พุทฺธสฺส อภิโรปยึ ฯ |๒๕๗.๑๘| จตุนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๒๕๗.๑๙| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สตฺตปาฏลิโย เถโร อิมา คาถาโย อภาสิตฺถาติ ฯ สตฺตปาฏลิยตฺเถรสฺส อปทานํ สมตฺตํ ฯ