๗. จิตกปูชกเถราปทาน (๒๗๗)

๒๗๙|๒๗๙.๒๗| จนฺทภาคานทีตีเร อนุโสตํ วชามหํ สตฺต มาลุวปุปฺผานิ จิตกาโรปยึ อหํ ฯ |๒๗๙.๒๘| จตุนวุเต อิโต กปฺเป จิตกํ ยํ อปูชยึ ทุคฺคตึ นาภิชานามิ จิตปูชายิทํ ผลํ ฯ |๒๗๙.๒๙| สตฺตสฏฺฐิมฺหิโต กปฺเป ปฏิชคฺคสนามโก สตฺตรตนสมฺปนฺโน จกฺกวตฺติ มหพฺพโล ฯ |๒๗๙.๓๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา จิตกปูชโก เถโร อิมา คาถาโย อภาสิตฺถาติ ฯ จิตกปูชกตฺเถรสฺส อปทานํ สมตฺตํ ฯ