๕. ผลทายกเถราปทาน (๓๐๕)

๓๐๗|๓๐๗.๒๐| ภาคีรสีนทีตีเร อโหสิ อสฺสโม ตทา ตมหํ อสฺสมาคญฺฉึ ผลหตฺโถ อเสกฺขวา ฯ |๓๐๗.๒๑| วิปสฺสึ ตตฺถ อทฺทกฺขึ ปีตรํสีว ภาณุมํ ยํ เม อตฺถิ ผลํ สพฺพํ อทาสึ สตฺถุโน อหํ ฯ |๓๐๗.๒๒| เอกนวุเต อิโต กปฺเป ยํ ผลํ อททึ ตทา ทุคฺคตึ นาภิชานามิ ผลทานสฺสิทํ ผลํ ฯ |๓๐๗.๒๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ ฯ ผลทายกตฺเถรสฺส อปทานํ สมตฺตํ ฯ