๖. จัมปกปุปผิยเถราปทาน (๓๔๖)

๓๔๘|๓๔๘.๓๙| หิมวนฺตสฺสวิทูเร ฉาปโล นาม ปพฺพโต พุทฺโธ สุทสฺสโน นาม วิหาสิ ปพฺพตนฺตเร ฯ |๓๔๘.๔๐| ปุปฺผํ เหมวณฺณํ คยฺห คจฺฉํ เวหายเสนหํ อทฺทสํ วิรชํ พุทฺธํ โอฆติณฺณมนาสวํ ฯ |๓๔๘.๔๑| สตฺตจมฺปกปุปฺผานิ สีเส กตฺวานหํ ตทา พุทฺธสฺส อภิโรเปสึ สยมฺภุสฺส มเหสิโน ฯ |๓๔๘.๔๒| เอกตฺตึเส อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๔๘.๔๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา จมฺปกปุปฺผิโย เถโร อิมา คาถาโย อภาสิตฺถาติ ฯ จมฺปกปุปฺผิยตฺเถรสฺส อปทานํ สมตฺตํ ฯ