๘. เอกจัมปกปุปผิยเถราปทาน (๓๖๘)

๓๗๐|๓๗๐.๒๗| อุปสนฺโต จ สมฺพุทฺโธ วสติ ปพฺพตนฺตเร เอกจมฺปกมาทาย อุปคญฺฉึ นรุตฺตมํ ฯ |๓๗๐.๒๘| ปสนฺนจิตฺโต สุมโน ปจฺเจกมุนิมุตฺตมํ อุโภหตฺเถหิ ปคฺคยฺห ปูชยึ อปราชิตํ ฯ |๓๗๐.๒๙| เอกตฺตึเส อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๗๐.๓๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เอกจมฺปกปุปฺผิโย เถโร อิมา คาถาโย อภาสิตฺถาติ ฯ เอกจมฺปกปุปฺผิยตฺเถรสฺส อปทานํ สมตฺตํ ฯ