๔. มิลักขุผลทายกเถราปทาน (๓๘๔)

๓๘๖|๓๘๖.๒๑| วนนฺตเร พุทฺธํ ทิสฺวา อตฺถทสฺสึ มหายสํ ปสนฺนจิตฺโต สุมโน มิลกฺขุสฺส ผลํ อทํ ฯ |๓๘๖.๒๒| อฏฺฐารเส กปฺปสเต ยํ ผลํ อททึ ตทา ทุคฺคตึ นาภิชานามิ ผลทานสฺสิทํ ผลํ ฯ |๓๘๖.๒๓| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๓๘๖.๒๔| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๓๘๖.๒๕| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มิลกฺขุผลทายโก เถโร อิมา คาถาโย อภาสิตฺถาติ ฯ มิลกฺขุผลทายกตฺเถรสฺส อปทานํ สมตฺตํ ฯ