Avajānātisutta

Aṅguttara Nikāya 5.141

Numbered Discourses 5.141

15. Tikaṇḍakīvagga

15. At Tikaṇḍakī

Avajānātisutta

Scorn

“Pañcime, bhikkhave, puggalā santo saṁvijjamānā lokasmiṁ.

“Mendicants, these five individuals are found in the world.

Katame pañca?

What five?

Datvā avajānāti, saṁvāsena avajānāti, ādheyyamukho hoti, lolo hoti, mando momūho hoti.

One gives then scorns, one lives together then scorns, one is gullible for gossip, one is impulsive, and one is dull and stupid.

Kathañca, bhikkhave, puggalo datvā avajānāti?

And how does an individual give then scorn?

Idha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṁ.

It’s when an individual gives an individual robes, almsfood, lodgings, and medicines and supplies for the sick.

Tassa evaṁ hoti:

They think:

‘ahaṁ demi;

‘I give;

ayaṁ paṭiggaṇhātī’ti.

this one receives.’

Tamenaṁ datvā avajānāti.

They give to them, then they scorn them.

Evaṁ kho, bhikkhave, puggalo datvā avajānāti.

That’s how an individual gives then scorns.

Kathañca, bhikkhave, puggalo saṁvāsena avajānāti?

And how does an individual live together then scorn?

Idha, bhikkhave, puggalo puggalena saddhiṁ saṁvasati dve vā tīṇi vā vassāni.

It’s when an individual lives with someone else for two or three years.

Tamenaṁ saṁvāsena avajānāti.

They live together with them, then they scorn them.

Evaṁ kho, bhikkhave, puggalo saṁvāsena avajānāti.

That’s how an individual lives together then scorns.

Kathañca, bhikkhave, puggalo ādheyyamukho hoti?

And how is an individual gullible for gossip?

Idha, bhikkhave, ekacco puggalo parassa vaṇṇe vā avaṇṇe vā bhāsiyamāne taṁ khippaññeva adhimuccitā hoti.

It’s when they’re very quick to believe what a certain individual says in praise or criticism of another.

Evaṁ kho, bhikkhave, puggalo ādheyyamukho hoti.

That’s how an individual is gullible for gossip.

Kathañca, bhikkhave, puggalo lolo hoti?

And how is an individual impulsive?

Idha, bhikkhave, ekacco puggalo ittarasaddho hoti ittarabhattī ittarapemo ittarappasādo.

It’s when a certain individual is fickle in faith, devotion, fondness, and confidence.

Evaṁ kho, bhikkhave, puggalo lolo hoti.

That’s how an individual is impulsive.

Kathañca, bhikkhave, puggalo mando momūho hoti?

And how is an individual dull and stupid?

Idha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti, kaṇhasukkasappaṭibhāge dhamme na jānāti.

It’s when they don’t know the difference between qualities that are skillful and unskillful, blameworthy and blameless, inferior and superior, and those with a portion of dark or bright.

Evaṁ kho, bhikkhave, puggalo mando momūho hoti.

That’s how an individual is dull and stupid.

Ime kho, bhikkhave, pañca puggalā santo saṁvijjamānā lokasmin”ti.

These are the five individuals found in the world.”

Paṭhamaṁ.