๒. เขมสูตร

๒๘๑เอกมนฺตํ ฐิโต โข เขโม เทวปุตฺโต ภควโต สนฺติเก อิมา คาถาโย อภาสิ จรนฺติ พาลา ทุมฺเมธา อมิตฺเตเนว อตฺตนา กโรนฺติ ปาปกํ กมฺมํ ยํ โหติ กฏุกปฺผลํ น ตํ กมฺมํ กตํ สาธุ ยํ กตฺวา อนุตปฺปติ ยสฺส อสฺสุมุโข โรทํ วิปากํ ปฏิเสวติ ตญฺจ กมฺมํ กตํ สาธุ ยํ กตฺวา นานุตปฺปติ ยสฺส ปติโต สุมโน วิปากํ ปฏิเสวติ ปฏิกจฺเจว ตํ กยิรา ยํ ชญฺญา หิตมตฺตโน น สากฏิกจินฺตาย มนฺตาธีโร ปรกฺกโม ยถา สากฏิโก ปสตฺถํ สมํ หิตฺวา มหาปถํ วิสมํ มคฺคมารุยฺห อกฺขจฺฉินฺโนว ฌายติ เอวํ ธมฺมา อปกฺกมฺม อธมฺมมนุวตฺติย มนฺโท มจฺจุมุขํ ปตฺโต อกฺขจฺฉินฺโนว ฌายตีติ ฯ