คันถวิปปยุตตคันถนิยทุกกุสลัตติกะ

๑๓๓๓คนฺถวิปฺปยุตฺตํ คนฺถนิยํ กุสลํ ธมฺมํ ปฏิจฺจ คนฺถวิปฺปยุตฺโต คนฺถนิโย กุสโล ธมฺโม อุปฺปชฺชติ เหตุปจฺจยา: ฯ คนฺถวิปฺปยุตฺตํ อคนฺถนิยํ กุสลํ ธมฺมํ ปฏิจฺจ คนฺถวิปฺปยุตฺโต อคนฺถนิโย กุสโล ธมฺโม อุปฺปชฺชติ เหตุปจฺจยา: ฯ

๑๓๓๔เหตุยา เทฺว อารมฺมเณ เทฺว อวิคเต เทฺว ฯ สหชาตวาโรปิ ฯเปฯ ปญฺหาวาโรปิ สพฺพตฺถ วิตฺถาเรตพฺพา ฯ ---------- ปฏิจฺจวาโร

๑๓๓๕คนฺถวิปฺปยุตฺตํ คนฺถนิยํ อกุสลํ ธมฺมํ ปฏิจฺจ คนฺถวิปฺปยุตฺโต คนฺถนิโย อกุสโล ธมฺโม อุปฺปชฺชติ เหตุปจฺจยา: ฯ

๑๓๓๖เหตุยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ ---------- ปฏิจฺจวาโร

๑๓๓๗คนฺถวิปฺปยุตฺตํ คนฺถนิยํ อพฺยากตํ ธมฺมํ ปฏิจฺจ คนฺถวิปฺปยุตฺโต คนฺถนิโย อพฺยากโต ธมฺโม อุปฺปชฺชติ เหตุปจฺจยา: ฯ คนฺถวิปฺปยุตฺตํ อคนฺถนิยํ อพฺยากตํ ธมฺมํ ปฏิจฺจ คนฺถวิปฺปยุตฺโต อคนฺถนิโย อพฺยากโต ธมฺโม อุปฺปชฺชติ เหตุปจฺจยา: ตีณิ ฯ คนฺถวิปฺปยุตฺตํ คนฺถนิยํ อพฺยากตญฺจ คนฺถวิปฺปยุตฺตํ อคนฺถนิยํ อพฺยากตญฺจ ธมฺมํ ปฏิจฺจ คนฺถวิปฺปยุตฺโต อคนฺถนิโย อพฺยากโต ธมฺโม อุปฺปชฺชติ เหตุปจฺจยา: ฯ

๑๓๓๘เหตุยา ปญฺจ อารมฺมเณ เทฺว วิปาเก ปญฺจ อวิคเต ปญฺจ ฯ สหชาตวาโรปิ ฯเปฯ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ ปญฺหาวาโร

๑๓๓๙คนฺถวิปฺปยุตฺโต คนฺถนิโย อพฺยากโต ธมฺโม คนฺถวิปฺปยุตฺตสฺส คนฺถนิยสฺส อพฺยากตสฺส ธมฺมสฺส เหตุปจฺจเยน ปจฺจโย: ฯ คนฺถวิปฺปยุตฺโต อคนฺถนิโย อพฺยากโต ธมฺโม คนฺถวิปฺปยุตฺตสฺส อคนฺถนิยสฺส อพฺยากตสฺส ธมฺมสฺส เหตุปจฺจเยน ปจฺจโย: ตีณิ ฯ

๑๓๔๐เหตุยา จตฺตาริ อารมฺมเณ ตีณิ อธิปติยา จตฺตาริ อวิคเต สตฺต ฯ

๑๓๔๑นเหตุยา สตฺต นอารมฺมเณ สตฺต ฯ

๑๓๔๒เหตุปจฺจยา นอารมฺมเณ จตฺตาริ ฯ

๑๓๔๓นเหตุปจฺจยา อารมฺมเณ ตีณิ ฯ ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ คนฺถวิปฺปยุตฺตคนฺถนิยทุกกุสลตฺติกํ นิฏฺฐิตํ ฯ คนฺถโคจฺฉกทุกกุสลตฺติกํ นิฏฺฐิตํ ฯ โอฆโคจฺฉกมฺปิ โยคโคจฺฉกมฺปิ อาสวโคจฺฉกทุกกุสลตฺติกสทิสํ ฯ ---------