จิตตสหภูทุกกุสลัตติกะ

ข้อ ๑๔๘๓–๑๔๘๘พระอภิธรรมปิฎก เล่ม ๑๑ ปัฏฐานปกรณ์ ภาค ๕6 条2 个版本

พระไตรปิฎกภาษาไทย ฉบับหลวง · Public domain (term expired) — operator determination

印本前页文字

จิตฺตสหภุทุกกุสลตฺติกํ ปฏิจฺจวาโร

จิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยา: จิตฺตสหภุํ กุสลํ ธมฺมํ ปฏิจฺจ โนจิตฺตสหภู กุสโล ธมฺโม อุปฺปชฺชติ เหตุปจฺจยา: จิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล จ โนจิตฺตสหภู กุสโล จ ธมฺมา อุปฺปชฺชนฺติ เหตุปจฺจยา: ฯ โนจิตฺตสหภุํ กุสลํ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยา: ฯ จิตฺตสหภุํ กุสลญฺจ โนจิตฺตสหภุํ กุสลญฺจ ธมฺมํ ปฏิจฺจ จิตฺตสหภู กุสโล ธมฺโม อุปฺปชฺชติ เหตุปจฺจยา: ฯ

เหตุยา ปญฺจ อารมฺมเณ ปญฺจ อวิคเต ปญฺจ ฯ สหชาตวาโรปิ ปญฺหาวาโรปิ วิตฺถาเรตพฺพา ฯ ------------ ปฏิจฺจวาโร

จิตฺตสหภุํ อกุสลํ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยา: ตีณิ ฯ โนจิตฺตสหภุํ อกุสลํ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยา: ฯ จิตฺตสหภุํ อกุสลญฺจ โนจิตฺตสหภุํ อกุสลญฺจ ธมฺมํ ปฏิจฺจ จิตฺตสหภู อกุสโล ธมฺโม อุปฺปชฺชติ เหตุปจฺจยา: ฯ

เหตุยา ปญฺจ อารมฺมเณ ปญฺจ อวิคเต ปญฺจ ฯ สหชาตวาโรปิ ปญฺหาวาโรปิ วิตฺถาเรตพฺพา ฯ ------------------- ปฏิจฺจวาโร

จิตฺตสหภุํ อพฺยากตํ ธมฺมํ ปฏิจฺจ จิตฺตสหภู อพฺยากโต ธมฺโม อุปฺปชฺชติ เหตุปจฺจยา: ตีณิ ฯ โนจิตฺตสหภุํ อพฺยากตํ ธมฺมํ ปฏิจฺจ โนจิตฺตสหภู อพฺยากโต ธมฺโม อุปฺปชฺชติ เหตุปจฺจยา: ฯ

เหตุยา นว อารมฺมเณ นว อวิคเต นว ฯ ยถา เจตสิกทุกมูลา ตีณิ คมนา เอวํ อิเมปิ ตีณิ คมนา กาตพฺพา ฯ สหชาตวาโรปิ ปญฺหาวาโรปิ วิตฺถาเรตพฺพา ฯ จิตฺตสหภุทุกกุสลตฺติกํ นิฏฺฐิตํ ฯ ---------