อุปาทานสัมปยุตตทุกกุสลัตติกะ

ข้อ ๑๕๗๑–๑๕๗๙พระอภิธรรมปิฎก เล่ม ๑๑ ปัฏฐานปกรณ์ ภาค ๕9 条2 个版本

พระไตรปิฎกภาษาไทย ฉบับหลวง · Public domain (term expired) — operator determination

印本前页文字

อุปาทานสมฺปยุตฺตทุกกุสลตฺติกํ ปฏิจฺจวาโร

อุปาทานวิปฺปยุตฺตํ กุสลํ ธมฺมํ ปฏิจฺจ อุปาทานวิปฺปยุตฺโต กุสโล ธมฺโม อุปฺปชฺชติ เหตุปจฺจยา: ฯ

เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ ----------- ปฏิจฺจวาโร

อุปาทานสมฺปยุตฺตํ อกุสลํ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา: ตีณิ ฯ อุปาทานวิปฺปยุตฺตํ อกุสลํ ธมฺมํ ปฏิจฺจ อุปาทานวิปฺปยุตฺโต อกุสโล ธมฺโม อุปฺปชฺชติ เหตุปจฺจยา: เทฺว ฯ อุปาทานสมฺปยุตฺตํ อกุสลญฺจ อุปาทานวิปฺปยุตฺตํ อกุสลญฺจ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา: ฯ

เหตุยา ฉ อารมฺมเณ ฉ สพฺพตฺถ ฉ อวิคเต ฉ ฯ

นเหตุยา เอกํ นอธิปติยา ฉ นกมฺเม จตฺตาริ นวิปาเก ฉ ฯ สหชาตวาราทิ วิตฺถาเรตพฺพํ ฯ ปญฺหาวาโร

อุปาทานสมฺปยุตฺโต อกุสโล ธมฺโม อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย: ตีณิ ฯ

เหตุยา ฉ อารมฺมเณ นว ฯ อธิปติยา นว: อุปาทานสมฺปยุตฺตมูลเก ตีณิ สหชาตาธิปติ อุปาทานวิปฺปยุตฺเต เอกํ ฯ อนนฺตเร นว สมนนฺตเร นว สหชาเต ฉ อญฺญมญฺเญ ฉ นิสฺสเย ฉ อุปนิสฺสเย นว อาเสวเน นว กมฺเม จตฺตาริ อาหาเร จตฺตาริ อินฺทฺริเย จตฺตาริ ฌาเน จตฺตาริ มคฺเค จตฺตาริ สมฺปยุตฺเต ฉ อตฺถิยา ฉ นตฺถิยา นว วิคเต นว อวิคเต ฉ ฯ -------- ปฏิจฺจวาโร

อุปาทานวิปฺปยุตฺตํ อพฺยากตํ ธมฺมํ ปฏิจฺจ อุปาทานวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา: ฯ

เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ อุปาทานสมฺปยุตฺตทุกกุสลตฺติกํ นิฏฺฐิตํ ฯ ----------