Patthana 13.6

Vitakkattika

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    Paṭṭhānapakaraṇa

  2. 0.2

    Dhammānulomapaccanīya (3), Tikapaṭṭhānapāḷi (1)

  3. 13.6. Vitakkattika

  4. Hetu

  5. 1.1

    Savitakkasavicāraṁ dhammaṁ paṭicca nasavitakkasavicāro dhammo uppajjati hetupaccayā. Savitakkasavicāraṁ dhammaṁ paṭicca naavitakkavicāramatto dhammo uppajjati hetupaccayā. Savitakkasavicāraṁ dhammaṁ paṭicca naavitakkaavicāro dhammo uppajjati hetupaccayā. Savitakkasavicāraṁ dhammaṁ paṭicca nasavitakkasavicāro ca naavitakkaavicāro ca dhammā uppajjanti hetupaccayā. Savitakkasavicāraṁ dhammaṁ paṭicca naavitakkavicāramatto ca naavitakkaavicāro ca dhammā uppajjanti hetupaccayā. Savitakkasavicāraṁ dhammaṁ paṭicca nasavitakkasavicāro ca naavitakkavicāramatto ca dhammā uppajjanti hetupaccayā. Savitakkasavicāraṁ dhammaṁ paṭicca nasavitakkasavicāro ca naavitakkavicāramatto ca naavitakkaavicāro ca dhammā uppajjanti hetupaccayā.

  6. 2.1

    Avitakkavicāramattaṁ dhammaṁ paṭicca naavitakkavicāramatto dhammo uppajjati hetupaccayā. Avitakkavicāramattaṁ dhammaṁ paṭicca nasavitakkasavicāro dhammo uppajjati hetupaccayā. Avitakkavicāramattaṁ dhammaṁ paṭicca naavitakkaavicāro dhammo uppajjati hetupaccayā. Avitakkavicāramattaṁ dhammaṁ paṭicca nasavitakkasavicāro ca naavitakkaavicāro ca dhammā uppajjanti hetupaccayā. Avitakkavicāramattaṁ dhammaṁ paṭicca naavitakkavicāramatto ca naavitakkaavicāro ca dhammā uppajjanti hetupaccayā. Avitakkavicāramattaṁ dhammaṁ paṭicca nasavitakkasavicāro ca naavitakkavicāramatto ca dhammā uppajjanti hetupaccayā. Avitakkavicāramattaṁ dhammaṁ paṭicca nasavitakkasavicāro ca naavitakkavicāramatto ca naavitakkaavicāro ca dhammā uppajjanti hetupaccayā.

  7. 3.1

    Avitakkaavicāraṁ dhammaṁ paṭicca naavitakkaavicāro dhammo uppajjati hetupaccayā …pe… satta.

  8. 4.1

    Savitakkasavicārañca avitakkaavicārañca dhammaṁ paṭicca nasavitakkasavicāro dhammo uppajjati hetupaccayā …pe… satta.

  9. 5.1

    Avitakkavicāramattañca avitakkaavicārañca dhammaṁ paṭicca nasavitakkasavicāro dhammo uppajjati hetupaccayā …pe… satta.

  10. 6.1

    Savitakkasavicārañca avitakkavicāramattañca dhammaṁ paṭicca nasavitakkasavicāro dhammo uppajjati hetupaccayā …pe… satta.

  11. 7.1

    Savitakkasavicārañca avitakkavicāramattañca avitakkaavicārañca dhammaṁ paṭicca nasavitakkasavicāro dhammo uppajjati hetupaccayā …pe… satta. (Saṅkhittaṁ.)

  12. 8.1

    Hetuyā ekūnapaññāsa, ārammaṇe ekūnapaññāsa, adhipatiyā bāttiṁsa …pe… purejāte āsevane pañcavīsa …pe… avigate ekūnapaññāsa.

  13. 9.1

    (Sahajātavārampi …pe… pañhāvārampi vitthāretabbaṁ.)

แหล่งที่มา
SuttaCentral · ดึงข้อมูลเมื่อ 2026-08-15 · patthana13.6
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ