Patthana 20.1

Hetugocchaka

อังกฤษ · ยังไม่เปิดใช้ไทย · ยังไม่เปิดใช้
  1. 0.1

    Paṭṭhānapakaraṇa

  2. 0.2

    Dhammapaccanīyānuloma (4), Dukapaṭṭhānapāḷi (2)

  3. 20.1. Hetugocchaka

  4. 1.1

    Namo tassa Bhagavato Arahato Sammāsambuddhassa.

  5. 2.1

    Nahetuṁ dhammaṁ paṭicca hetu dhammo uppajjati hetupaccayā. Nahetuṁ dhammaṁ paṭicca nahetu dhammo uppajjati hetupaccayā. Nahetuṁ dhammaṁ paṭicca hetu ca nahetu ca dhammā uppajjanti hetupaccayā.

  6. 3.1

    Nanahetuṁ dhammaṁ paṭicca hetu dhammo uppajjati hetupaccayā. Nanahetuṁ dhammaṁ paṭicca nahetu dhammo uppajjati hetupaccayā. Nanahetuṁ dhammaṁ paṭicca hetu ca nahetu ca dhammā uppajjanti hetupaccayā.

  7. 4.1

    Nahetuñca nanahetuñca dhammaṁ paṭicca hetu dhammo uppajjati hetupaccayā. Nahetuñca nanahetuñca dhammaṁ paṭicca nahetu dhammo uppajjati hetupaccayā. Nahetuñca nanahetuñca dhammaṁ paṭicca hetu ca nahetu ca dhammā uppajjanti hetupaccayā. (Saṅkhittaṁ.)

  8. 5.1

    Hetuyā nava, ārammaṇe nava …pe… avigate nava.

  9. 6.1

    (Sahajātavārampi …pe… pañhāvārampi vitthāretabbaṁ.)

  10. 7.1

    Nasahetukaṁ dhammaṁ paṭicca sahetuko dhammo uppajjati hetupaccayā. Nasahetukaṁ dhammaṁ paṭicca ahetuko dhammo uppajjati hetupaccayā. Nasahetukaṁ dhammaṁ paṭicca sahetuko ca ahetuko ca dhammā uppajjanti hetupaccayā … tīṇi.

  11. 8.1

    Naahetukaṁ dhammaṁ paṭicca ahetuko dhammo uppajjati hetupaccayā. Naahetukaṁ dhammaṁ paṭicca sahetuko dhammo uppajjati hetupaccayā. Naahetukaṁ dhammaṁ paṭicca sahetuko ca ahetuko ca dhammā uppajjanti hetupaccayā … tīṇi.

  12. 9.1

    Nasahetukañca naahetukañca dhammaṁ paṭicca sahetuko dhammo uppajjati hetupaccayā. Nasahetukañca naahetukañca dhammaṁ paṭicca ahetuko dhammo uppajjati hetupaccayā. Nasahetukañca naahetukañca dhammaṁ paṭicca sahetuko ca ahetuko ca dhammā uppajjanti hetupaccayā … tīṇi. (Saṅkhittaṁ.)

  13. 10.1

    Hetuyā nava, ārammaṇe cha, adhipatiyā pañca …pe… avigate nava.

  14. 11.1

    Nahetusampayuttaṁ dhammaṁ paṭicca hetusampayutto dhammo uppajjati hetupaccayā. (Saṅkhittaṁ. Sahetukadukasadisaṁ.)

  15. 12.1

    Hetuyā nava, ārammaṇe cha, adhipatiyā pañca …pe… avigate nava.

  16. 13.1

    Nahetuñceva naahetukañca dhammaṁ paṭicca hetu ceva sahetuko ca dhammo uppajjati hetupaccayā. (Saṅkhittaṁ.)

  17. 14.1

    Hetuyā nava …pe… avigate nava.

  18. 15.1

    Nahetuñceva nahetuvippayuttañca dhammaṁ paṭicca hetu ceva hetusampayutto ca dhammo uppajjati hetupaccayā. (Saṅkhittaṁ.)

  19. 16.1

    Hetuyā nava …pe… avigate nava.

  20. 17.1

    Nahetuṁ nasahetukaṁ dhammaṁ paṭicca nahetu sahetuko dhammo uppajjati hetupaccayā. (Saṅkhittaṁ.)

  21. 18.1

    Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava.

แหล่งที่มา
SuttaCentral · ดึงข้อมูลเมื่อ 2026-08-15 · patthana20.1
ฉบับที่ใช้
Mahāsaṅgīti Tipiṭaka Buddhavasse 2500 — PDM-1.0
English translation — Bhikkhu Sujato — CC0-1.0
สิทธิ์การใช้งาน
สาธารณสมบัติ — ตรวจสอบรายฉบับ (ดูบรรทัดบน) · แสดงที่มาแม้สัญญาอนุญาตไม่บังคับ