This collection answers by quoting only — editions are set side by side, never summarised, interpreted, or scored for reliability
พระไตรปิฎกภาษาไทย ฉบับหลวง · Public domain (term expired) — operator determination
ทุติยํ สกฺกสุตฺตํ
๘๐๔เอกํ สมยํ ภควา ราชคเห วิหรติ คิชฺฌกูเฏ ปพฺพเต ฯ
๘๐๕อถ โข สกฺกนามโก ยกฺโข เยน ภควา เตนุปสงฺกมิ อุปสงฺกมิตฺวา ภควนฺตํ คาถาย อชฺฌภาสิ สพฺพคนฺถปฺปหีนสฺส วิปฺปมุตฺตสฺส เต สโต สมณสฺส น ตํ สาธุ ยทญฺญมนุสาสตีติ ฯ
๘๐๖เยน เกนจิ วณฺเณน สํวาโส สกฺก ชายติ น ตํ อรหติ สปฺปญฺโญ มนสา อนุกมฺปิตุํ มนสา เจ ปสนฺเนน ยทญฺญมนุสาสติ น เตน โหติ สํยุตฺโต ยานุกมฺปา อนุทฺทยาติ ฯ