๔. สมุนเถรคาถา

๓๓๘|๓๓๘.๓๓๐| ๔ ยํ ปตฺถยมาโน ธมฺเมสุ อุปชฺฌาโย อนุคฺคหิ อมตํ อภิกงฺขนฺตํ กตํ กตฺตพฺพกํ มยา ฯ |๓๓๘.๓๓๑| อนุปฺปตฺโต สจฺฉิกโต สยํ ธมฺโม อนีติโห วิสุทฺธญาโณ นิกฺกงฺโข พฺยากโรมิ ตวนฺติเก ฯ |๓๓๘.๓๓๒| ปุพฺเพนิวาสํ ชานามิ ทิพฺพจกฺขุํ วิโสธิตํ สทตฺโถ เม อนุปฺปตฺโต กตํ พุทฺธสฺส สาสนํ ฯ |๓๓๘.๓๓๓| อปฺปมตฺตสฺส เม สิกฺขา สุสฺสุตา ตว สาสเน สพฺเพ เม อาสวา ขีณา นตฺถิทานิ ปุนพฺภโว ฯ |๓๓๘.๓๓๔| อนุสาสิ มํ อริยวตา อนุกมฺปี อนุคฺคหิ อโมโฆ ตุมฺหโมวาโท อนฺเตวาสิมฺหิ สิกฺขิโตติ ฯ สุมโน เถโร ฯ