๕. วัฑฒเถรคาถา

๓๓๙|๓๓๙.๓๓๕| ๕ สาธุ หิ กิร เม มาตา ปโตทํ อุปทํสยิ ยสฺสาหํ วจนํ สุตฺวา อนุสิฏฺโฐ ชเนตฺติยา อารทฺธวิรโย ปหิตตฺโต ปตฺโต สมฺโพธิมุตฺตมํ ฯ |๓๓๙.๓๓๖| อรหา ทกฺขิเณยฺโยมฺหิ เตวิชฺโช อมตทฺทโส เชตฺวา นมุจิโน เสนํ วิหรามิ อนาสโว ฯ |๓๓๙.๓๓๗| อชฺฌตฺตญฺจ พหิทฺธา จ เย เม วิชฺชึสุ อาสวา สพฺเพ อเสสา อุจฺฉินฺนา น จ อุปฺปชฺชเร ปุน ฯ |๓๓๙.๓๓๘| วิสารทา โข ภคินี เอตมตฺถํ อภาสยิ อปิ หา นูน มยิปิ วนโถ เต น วิชฺชติ ฯ |๓๓๙.๓๓๙| ปริยนฺตกตํ ทุกฺขํ อนฺติโมยํ สมุสฺสโย ชาติมรณสํสาโร นตฺถิทานิ ปุนพฺภโวติ ฯ วฑฺโฒ เถโร ฯ