๕. นันทุตตราเถรีคาถา

๔๔๓|๔๔๓.๘๗| ๕ อคฺคึ จนฺทญฺจ สุริยญฺจ เทวตา จ นมสฺสิหํ นทีติตฺถานิ คนฺตฺวาน อุทกํ โอรุหามิหํ ฯ |๔๔๓.๘๘| พหูวตสมาทานา อฑฺฒํ สีสสฺส โอลิขึ ฉมาย เสยฺยํ กปฺเปมิ รตฺติภตฺตํ น ภุญฺชิหํ ฯ |๔๔๓.๘๙| วิภูสมณฺฑนรตา นฺหาปนจฺฉาทเนหิ จ อุปกาสึ อิมํ กายํ กามราเคน อทฺธิตา ฯ |๔๔๓.๙๐| ตโต สทฺธํ ลภิตฺวาน ปพฺพชึ อนคาริยํ ทิสฺวา กายํ ยถาภูตํ กามราโค สมูหโต ฯ |๔๔๓.๙๑| สพฺเพ ภวา สมุจฺฉินฺนา อิจฺฉา จ ปตฺถนา ปิ จ สพฺพโยควิสํยุตฺตา สนฺตึ ปาปุณึ เจตโส ฯ นนฺทุตฺตรา เถรี ฯ