๑๐. อุตตรวิมาน

๗๔|๗๔.๘๓๖| ๑๐ ยา เทวราชสฺส สภา สุธมฺมา ยตฺถจฺฉสิ เทวสงฺโฆ สมคฺโค ตถูปมํ ตุยฺหมิทํ วิมานํ โอภาสยํ ติฏฺฐติ อนฺตลิกฺเข |๗๔.๘๓๗| เทวิทฺธิปตฺโตสิ มหานุภาโว มนุสฺสภูโต กิมกาสิ ปุญฺญํ เกนาสิ เอวญฺชลิตานุภาโว วณฺโณ จ เต สพฺพทิสา ปภาสตีติ ฯ |๗๔.๘๓๘| โส เทวปุตฺโต อตฺตมโน โมคฺคลฺลาเนน ปุจฺฉิโต ... เป ... ยสฺส กมฺมสฺสิทํ ผลํ |๗๔.๘๓๙| อหํ มนุสฺเสสุ มนุสฺสภูโต รญฺโญ ปายาสิสฺส อโหสิ มาณโว ลทฺธา ธนํ สํวิภาคํ อกาสึ ปิยา จ เม สีลวนฺโต อเหสุํ อนฺนญฺจ ปานญฺจ ปสนฺนจิตฺโต สกฺกจฺจ ทานํ วิปุลํ อทาสึ |๗๔.๘๔๐| เตน เมตาทิโส วณฺโณ ... เป ... วณฺโณ จ เม สพฺพทิสา ปภาสตีติ ฯ อุตฺตรวิมานํ ทสมํ ฯ อุทฺทานํ เทฺว อคาริโน ผลทายี เทฺว อุปสฺสยทายี ภิกฺขาย ทายี ยวปาลโก เจว เทฺว กุณฺฑลิโน ปายาสีติ ฯ วคฺโค ฉฏฺโฐ ฯ ---------------