This collection answers by quoting only — editions are set side by side, never summarised, interpreted, or scored for reliability
พระไตรปิฎกภาษาไทย ฉบับหลวง · Public domain (term expired) — operator determination
๓๔๑|๓๔๑.๓๔๕| ๗ ปาโต มชฺฌนฺติกํ สายํ ติกฺขตฺตุํ ทิวสสฺสหํ โอตรึ อุทกํ โสหํ คยาย คยผคฺคุยา ฯ |๓๔๑.๓๔๖| ยํ มยา ปกตํ ปาปํ ปุพฺเพ อญฺญาสุ ชาติสุ ตนฺทานีธ ปวาเหมิ เอวํทิฏฺฐิ ปุเร อหุ ฯ |๓๔๑.๓๔๗| สุตฺวา สุภาสิตํ วาจํ ธมฺมตฺถสหิตํ ปทํ ตถํ ยาถาวตํ อตฺถํ โยนิโส ปจฺจเวกฺขิสํ ฯ |๓๔๑.๓๔๘| นินฺหาตสพฺพปาโปมฺหิ นิมฺมโล ปยโต สุจิ สุทฺโธ พุทฺธสฺส ทายาโท ปุตฺโต พุทฺธสฺส โอรโส ฯ |๓๔๑.๓๔๙| โอคยฺหฏฺฐงฺคิกํ โสตํ สพฺพํ ปาปํ ปวาหยึ ติสฺโส วิชฺชา อชฺฌคมึ กตํ พุทฺธสฺส สาสนนฺติ ฯ คยากสฺสโป เถโร ฯ