๘. วักกลิเถรคาถา

๓๔๒|๓๔๒.๓๕๐| ๘ วาตโรคาภินีโต ตฺวํ วิหรํ กานเน วเน ปวิฏฺฐโคจเร ลูเข กถํ ภิกฺขุ กริสฺสสิ ฯ |๓๔๒.๓๕๑| ปีติสุเขน วิปุเลน ผรมาโน สมุสฺสยํ ลูขมฺปิ อภิสมฺโภนฺโต วิหริสฺสามิ กานเน ฯ |๓๔๒.๓๕๒| ภาเวนฺโต สติปฏฺฐาเน อินฺทฺริยานิ พลานิ จ โพชฺฌงฺคานิ จ ภาเวนฺโต วิหริสฺสามิ กานเน ฯ |๓๔๒.๓๕๓| อารทฺธวิริเย ปหิตตฺเต นิจฺจํ ทฬฺหปรกฺกเม สมคฺเค สหิเต ทิสฺวา วิหริสฺสามิ กานเน ฯ |๓๔๒.๓๕๔| อนุสฺสรนฺโต สมฺพุทฺธํ อตฺตทนฺทํ สมาหิตํ อตนฺทิโต รตฺตินฺทิวํ วิหริสฺสามิ กานเนติ ฯ วกฺกลิ เถโร ฯ