๑๐. ปฏาจาราเถรีคาถา

๔๔๘|๔๔๘.๑๑๒| ๑๐ นงฺคเลหิ กสํ เขตฺตํ พีชานิ ปวปํ ฉมา ปุตฺตทารานิ โปเสนฺตา ธนํ วินฺทนฺติ มาณวา ฯ |๔๔๘.๑๑๓| กิมหํ สีลสมฺปนฺนา สตฺถุ สาสนการิกา นิพฺพานํ นาธิคจฺฉามิ อกุสีตา อนุทฺธตา ฯ |๔๔๘.๑๑๔| ปาเท ปกฺขาลยิตฺวาน อุทเกสุ กโรมหํ ปาโททกญฺจ ทิสฺวาน ถลโต นินฺนมาคตํ ตโต จิตฺตํ สมาเธสึ อสฺโส ภโทฺรว ชานิโย ฯ |๔๔๘.๑๑๕| ตโต ทีปํ คเหตฺวาน วิหารํ ปาวิสึ อหํ เสยฺยํ โอโลกยิตฺวาน มญฺจกมฺหิ อุปาวิสึ ฯ |๔๔๘.๑๑๖| ตโต สูจึ คเหตฺวาน วฏฺฏึ โอกสฺสยามหํ ปชฺโชตสฺเสว นิพฺพานํ วิโมกฺโข อหุ เจตโส ฯ ปฏาจารา ฯ