๑๐. นาควิมาน ที่ ๑

๖๐|๖๐.๗๐๖| ๑๐ สุสุกฺกขนฺธํ อภิรุยฺห นาคํ อกาจินํ ทนฺติพลึ มหาชวํ อารุยฺห คชํ ปวรํ สุกปฺปิตํ อิธาคมา เวหาสยมนฺตลิกฺเข |๖๐.๗๐๗| นาคสฺส ทนฺเตสุ ทุเวสุ นิมฺมิตา อจฺโฉทกา ปทุมินิโย สุผุลฺลา ปทุเมสุ จ ตุริยคณา ปวชฺชเร อิมา จ นจฺจนฺติ มโนหราโย |๖๐.๗๐๘| เทวิทฺธิปตฺโตสิ มหานุภาโว มนุสฺสภูโต กิมกาสิ ปุญฺญํ เกนาสิ เอวญฺชลิตานุภาโว วณฺโณ จ เต สพฺพทิสา ปภาสตีติ ฯ |๖๐.๗๐๙| โส เทวปุตฺโต อตฺตมโน โมคฺคลฺลาเนน ปุจฺฉิโต ... เป ... ยสฺส กมฺมสฺสิทํ ผลํ |๖๐.๗๑๐| อฏฺเฐว มุฏฺฐิปุปฺผานิ กสฺสปสฺส ภควโต ถูปสฺมึ อภิโรปยึ ปสนฺโน สเกหิ ปาณิหิ |๖๐.๗๑๑| เตน เมตาทิโส วณฺโณ ... เป ... วณฺโณ จ เม สพฺพทิสา ปภาสตีติ ฯ นาควิมานํ ทสมํ ฯ