๙. มหาเปสการเปตวัตถุ

๙๔|๙๔.๕๔| ๙ คูถญฺจ มุตฺตํ รุธิรญฺจ ปุพฺพํ ปริภุญฺชติ กิสฺส อยํ วิปาโก อยํ นุ กึ กมฺมมกาสิ นารี ยา สพฺพทา โลหิตปุพฺพภกฺขา |๙๔.๕๕| นวานิ วตฺถานิ สุภานิ เจว มุทูนิ สุทฺธานิ จ โลมสานิ ทินฺนานิ มิสฺสา กิฏกา ภวนฺติ อยํ นุ กึ กมฺมมกาสิ นารีติ ฯ |๙๔.๕๖| ภริยา มเมสา อหุ ภทนฺเต อทายิกา มจฺฉรินี กทริยา สา มํ ททนฺตํ สมณพฺราหฺมณานํ อกฺโกสติ ปริภาสติ จ |๙๔.๕๗| คูถญฺจ มุตฺตํ รุธิรญฺจ ปุพฺพํ ปริภุญฺช ตฺวํ อสุจึ สพฺพกาลํ ฯ เอตํ เต ปรโลกสฺมึ โหตุ วตฺถา จ เต กิฏกา ภวนฺตุ เอตาทิสํ ทุจฺจริตํ จริตฺวา อิธาคตา จิรรตฺตาย ขาทตีติ ฯ มหาเปสการเปตวตฺถุ นวมํ ฯ