๑. มณิกุณฑลชาดก

๗๐๒ชินฺโน รฏฺฐสฺสมณิกุณฺฑเล จ ปุตฺเต จ ทาเร จ ตเถว ชินฺโน สพฺเพสุ โภเคสุ อเสสเกสุ กสฺมา น สนฺตปฺปสิ โสกกาเล ฯ

๗๐๓ปุพฺเพว มจฺจํ วิชหนฺติ โภคา มจฺโจ วา เต ปุพฺพตรํ ชหาติ อสสฺสตา โภคิโน กามกามิ ตสฺมา น โสจามหํ โสกกาเล ฯ

๗๐๔อุเทติ ปูเรติ ขียติ จนฺโท อตฺถงฺคเมตฺวาน ปเลติ สูริโย วิชิตา มยา สตฺตุก โลกธมฺมา ตสฺมา น โสจามหํ โสกกาเล ฯ

๗๐๕อลโส คิหี กามโภคี น สาธุ อสญฺญโต ปพฺพชิโต น สาธุ ราชา น สาธุ อนิสมฺมการี โย ปณฺฑิโต โกธโน ตํ น สาธุ ฯ

๗๐๖นิสมฺม ขตฺติโย กยิรา นานิสมฺม ทิสมฺปติ นิสมฺมการิโน รญฺโญ ยโส กิตฺตี จ วฑฺฒตีติ ฯ มณิกุณฺฑลชาตกํ ปฐมํ ฯ ---------