๘. ราหุลเถรคาถา

๓๓๐|๓๓๐.๒๙๕| ๘ อุภเยเนว สมฺปนฺโน ราหุลภทฺโทติ มํ วิทู ยญฺจมฺหิ ปุตฺโต พุทฺธสฺส ยญฺจ ธมฺเมสุ จกฺขุมา ฯ |๓๓๐.๒๙๖| ยญฺจ เม อาสวา ขีณา ยญฺจ นตฺถิ ปุนพฺภโว อรหา ทกฺขิเณยฺโยมฺหิ เตวิชฺโช อมตทฺทโส ฯ |๓๓๐.๒๙๗| กามนฺธา ชาลสญฺฉนฺนา ตณฺหาฉทนฉาทิตา ปมตฺตพนฺธุนา พทฺธา มจฺฉาว กุมินามุเข ฯ |๓๓๐.๒๙๘| ตํ กามํ อหมุชฺฌิตฺวา เฉตฺวา มารสฺส พนฺธนํ สมูลํ ตณฺหํ อพฺพุยฺห สีติภูโตสฺมิ นิพฺพุโตติ ฯ ราหุโล เถโร ฯ