๔. สโกฏกโกรัณฑทายกเถราปทาน (๓๕๔)

๓๕๖|๓๕๖.๑๔| อกฺกนฺตญฺจ ปทํ ทิสฺวา สิขิโน โลกพนฺธุโน เอกํสํ อชินํ กตฺวา ปทํ เสฏฺฐํ อวนฺทหํ ฯ |๓๕๖.๑๕| โกรณฺฑํ ปุปฺผิตํ ทิสฺวา ปาทปํ ธรณีรุหํ สโกฏกํ คเหตฺวาน ปเท จกฺกํ อปูชยึ ฯ |๓๕๖.๑๖| เอกตฺตึเส อิโต กปฺเป ยํ กมฺมมกรึ ตทา ทุคฺคตึ นาภิชานามิ พุทฺธปูชายิทํ ผลํ |๓๕๖.๑๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สโกฏกโกรณฺฑทายโก เถโร อิมา คาถาโย อภาสิตฺถาติ ฯ สโกฏกโกรณฺฑทายกตฺเถรสฺส อปทานํ สมตฺตํ ฯ