๒. สีลวีมังสชาดก

๗๕๘สีลํ เสยฺโย สุตํ เสยฺโย อิติ เม สํสโย อหุ สีลเมว สุตา เสยฺโย อิติ เม นตฺถิ สํสโย ฯ

๗๕๙โมฆา ชาติ จ วณฺโณ จ สีลเมว กิรุตฺตมํ สีเลน อนุเปตสฺส สุเตนตฺโถ น วิชฺชติ ฯ

๗๖๐ขตฺติโย จ อธมฺมฏฺโฐ เวสฺโส จาธมฺมนิสฺสิโต เต ปริจฺจชฺชุโภ โลเก อุปปชฺชนฺติ ทุคฺคตึ ฯ

๗๖๑ขตฺติยา พฺราหฺมณา เวสฺสา สุทฺทา จณฺฑาลปุกฺกุสา อิธ ธมฺมํ จริตฺวาน ภวนฺติ ติทิเว สมา ฯ

๗๖๒น เวทา สมฺปรายาย น ชาติ นปิ พนฺธวา สกญฺจ สีลสํสุทฺธํ สมฺปรายสุขาวหนฺติ ฯ สีลวีมํสชาตกํ ทุติยํ ฯ ---------