๑๒. พิลารโกสิยชาดก

๑๔๔๓อปจนฺตาปิ อิจฺฉนฺติ สนฺโต ลทฺธาน โภชนํ กิเมว ตฺวํ ปจมาโน ยํ น ทชฺชา น ตํ สมํ ฯ

๑๔๔๔มจฺเฉรา จ ปมาทา จ เอวํ ทานํ น ทิยฺยติ ปุญฺญํ อากงฺขมาเนน เทยฺยํ โหติ วิชานตา ฯ

๑๔๔๕ยสฺเสว ภีโต น ททาติ (มจฺฉรี) ตเทวาททโต ภยํ ชิฆจฺฉา จ ปิปาสา จ ยสฺส ภายติ มจฺฉรี ตเมว พาลํ ผุสติ อสฺมึ โลเก ปรมฺหิ จ ฯ

๑๔๔๖ตสฺมา วิเนยฺย มจฺเฉรํ ทชฺชา ทานํ มลาภิภู ปุญฺญํ หิ ปรโลกสฺมึ ปติฏฺฐา โหติ ปาณินํ ฯ

๑๔๔๗ทุทฺททํ ททมานานํ ทุกฺกรํ กมฺมกุพฺพตํ อสนฺโต นานุกุพฺพนฺติ สตํ ธมฺโม ทุรนฺนโย ฯ

๑๔๔๘ตสฺมา สตญฺจ อสตญฺจ นานา โหติ อิโต คติ อสนฺโต นิรยํ ยนฺติ สนฺโต สคฺคปรายนา ฯ

๑๔๔๙อปฺปมฺเปเก ปเวจฺฉนฺติ พหุนาเก น ทิจฺฉเร อปฺปสฺมา ทกฺขิณา ทินฺนา สหสฺเสน สมํ มิตา ฯ

๑๔๕๐ธมฺมญฺจเร โยปิ สมุจฺฉกํ จเร ทารญฺจ โปสํ ททมปฺปกสฺมึ สตสหสฺสานํ สหสฺสยาคินํ กลมฺปิ นาคฺฆนฺติ ตถาวิธสฺส เต ฯ

๑๔๕๑เกเนส ยญฺโญ วิปุโล มหคฺฆโต สเมน ทินฺนสฺส อนคฺฆเมติ กถํ สหสฺสานํ สหสฺสยาคินํ กลมฺปิ นาคฺฆนฺติ ตถาวิธสฺส เต ฯ

๑๔๕๒ททนฺติ เหเก วิสเม นิวิฏฺฐา ฆตฺวา วธิตฺวา อถ โสจยิตฺวา สา ทกฺขิณา อสฺสุมุขา สทณฺฑา สเมน ทินฺนสฺส น อคฺฆเมติ เอวํ สหสฺสานํ สหสฺสยาคินํ กลมฺปิ นาคฺฆนฺติ ตถาวิธสฺส เตติ ฯ พิลารโกสิยชาตกํ ทฺวาทสมํ ฯ ---------